12.7 C
Pristina
Tuesday, March 21, 2023

VV ia shpërndau foton me zyrtarin e arrestuar të FBI’së, Vlora Çitaku tregon ku ishte dhe çka po bënte

- Advertisement -

Të rekomanduara

Nënkryetarja e PDK-së, Vlora Çitaku, ka reaguar ndaj pretendimeve të VV-së se ajo duhet të sqarohet për foton e saj me Charles McGonigal, ish-zyrtarin e lartë të kundërzbulimit në FBI, i cili u arrestua pasi dyshohet se ka marrë para nga një ish-punonjës i shërbimeve inteligjente shqiptare dhe për lidhjet e tij me zyrtarë të tjerë në Shqipëri.

Deputeti i Lëvizjes Vetëvendosje, Artan Abrashi i ka kërkuar llogari nënkryetares së Partisë Demokratike të Kosovës për “lidhjet” me Charles McGonigal. Ai publikoi dy fotografi në Facebook, ku Çitaku shihet në praninë e McGonigal. Ai po ashtu kërkoi nga Çitaku që të tregojë “për lidhjet dhe takimet me këtë person”.

- Advertisement -

Çitaku ka sqaruar foton, duke treguar detaje se për çka ka qenë eventi dhe kush kanë qenë folësit, si dhe nderi që i është bërë Kosovës me ftesën në këso ngjarje. Në atë kohë, viti 2017, Çitaku ka qenë ambasadore në SHBA.

“Një përpjekje qesharake e eksponentëve të VV-së për të shpërndarë mjegull. Me 4 Tetor 2017 jam ftuar zyrtarisht të flas para oficerëve dhe kadetëve të FBI për rolin e pazëvendësueshëm të SHBA-ve në luftimin e sfidave rajonale dhe globale. Folës kemi qenë unë dhe Henry Kissinger.”, ka shkruar Çitaku.

Çitaku në fund nuk e ka lënë pa e përmendur rastin e Martin Berishajt, emri i të cilit po përmendet në shumë skandale.

“Ngjashëm jam ftuar edhe në State Department, CIA etc. Ky ka qenë nderë që i është bërë Kosovës. E tash, si e keni Martinin?”, shtoi ajo.

- Advertisement -

Të fundit

Boksieri kosovar i peshave të rënda e rrah rivalin çeçen

Boksieri kosovar, Durim Shoshi, po ecën me hapa të sigurt drejt majave të boksit evropian e botëror. Boksieri i peshave...
- Advertisement -

Më shumë

- Advertisement -