9.8 C
Pristina
Thursday, April 25, 2024

Putini e anulon udhëtimin në Stavropol, raportohet se forca ukrainase kanë hyrë në Rusi

- Advertisement -

Mediet ruse kanë raportuar se forcat ukrainase janë futur në territorin rus të rajonit Bryansk, që kufizohet me Ukrainën. Këtë lajm thuhet se e ka dhënë udhëheqësi rajonal, Alexander Bogomaz.

- Advertisement -

Sipas tij, deklaratë e cituar nga agjencia “Tass”, “sipas të dhënave të fundit, ata (ushtarët ukrainas) kanë hyrë në dy fshatra, një betejë është duke u zhvilluar”, raporton gazeta “The Guardian“.

Hollësitë mbeten të paqarta, por agjencia “Tass” raportoi: “Forcat e sigurisë konfirmuan se një operacion është duke u kryer në një zonë kufitare për t’i shkatërruar shkelësit e kufirit shtetëror.”

- Advertisement -

Agjencia “RIA Novosti” raportoi se zëdhënësi i Kremlinit, Dmitry Peskov, në konferencën ditore për gazetarë, tha se presidenti rus, Vladimir Putin, e ka anuluar vizitën e planifikuar në qytetin rus, Stavropol, “për shkak të situatës në rajonin Bryansk”.

Në konferencën e tij për gazetarë, Peskovi tha se incidenti ishte një sulm nga “terroristët”.

Ajgencia “Tass” raportoi se “sabotuesit i sulmuan (fshatrat) Lyubechan dhe Sushany” dhe se “forcat ukrainase hapën zjarr në drejtim të një automjeti, duke vrarë një person dhe duke plagosur një tjetër, një fëmijë 10-vjeçar”.

- Advertisement -

“FSB-ja konfirmoi për Tass-in se në zonën kufitare të rajonit Bryansk po merren masa për t’i shkatërruar nacinalistët e armatosur ukrainas, të cilët e kanë shkelur kufirin shtetëror”- thuhet më tej.

Pretendimet e agjencive ruse nuk janë vërtetuar në mënyrë të pavarur.

- Advertisement -
Lajmet e fundit
- Advertisement -
Lajme të lidhura
- Advertisement -