Premier Liga angleze e futbollit ka thënë se kanalet serbe “ArenaSport” i kanë të drejtat e transmetimit të Premier Ligës në gjuhën serbe në Kosovë.
Në një letër dërguar deputetit të Lëvizjes Vetëvendosje dhe kryetarit të Komisionit për Media, Valon Ramadanit, Premier Liga ka thënë se nuk e ka autorizuar kompaninë “Artmotion” për transmetimin e ndeshjeve të ligës.
Ramadani ka thënë se bazuar në përgjigjen e Premier Ligës, del se transmetimet e ndeshjeve të Premier Ligës janë bërë jashtëligjshëm në Kosovë.
“Përgjigja e tyre [Premier Ligës, v.j] ishte e qartë: Premier Liga nuk e ka autorizuar Artmotion të transmetojë ligën angleze në Kosovë dhe nuk e ka autorizuar Arena Sportin nga Serbia të shpërndajë ndeshjet e Premier Ligës në Kosovë”, ka thënë Ramadani.