19 C
Pristina
Wednesday, June 19, 2024

Polici serb rrah për vdekje një mysliman boshnjak në Sanxhak – zbulohen detaje dhe pamje të ngjarjes shokuese

- Advertisement -

Tridhjetë e pesë vjeçari Ervin Çelahmetoviq nga Priboj i Sanxhakut ka ndërruar jetë, pasi është rrahur në një restorant në qendër të qytetit nga bashkëqytetari Igor Avramoviq (28), përndryshe polic me adresë në Beograd, i cili në kohën e sulmit ishte jashtë detyrës.

- Advertisement -

Sipas deklaratave të dëshmitarëve okularë, i ndjeri Ervin – një mysliman boshnjak – ishte duke u shoqëruar me miqtë e tij në një kafene, kur Igor, i cili ndodhej në të njëjtin lokal, i është afruar dhe pas një debati të shkurtër ka nisur ta rrahë brutalisht, përcjell Telegrafi.

Pas goditjeve, Ervini është rrëzuar përtokë dhe ka mbetur i palëvizur.

- Advertisement -

Një ambulancë ka mbërritur shpejt në vendngjarje, por Çelahmetoviq nuk ka mundur të shpëtojë.

E gjithë ngjarja është regjistruar nga kamerat e sigurisë të vendosura brenda lokalit të njohur.

- Advertisement -

Ndërkohë thuhet se Igor Avramoviq punon si pjesëtar i njësisë speciale të policisë në Beograd dhe gjatë fundjavës ka ardhur në vendlindje.

Pjesëtarët e Ministrisë së Punëve të Brendshme të Serbisë janë në kërkim intensiv për të dyshuarin, ndërsa dy persona janë ndaluar për intervistim informativ nën dyshimin se kanë ndihmuar në kryerjen e veprës penale.

- Advertisement -
Lajmet e fundit
- Advertisement -
Lajme të lidhura
- Advertisement -