30.3 C
Pristina
Wednesday, June 12, 2024

Kurti: Nuk shantazhohemi, nuk frikësohemi, s’është fer t’i bëhet presion shtetit më pro-amerikan në Ballkan

- Advertisement -

Kryeministri i Kosovës, Albin Kurti, ka dhënë një intervistë për francezen AFP ku ka folur për shumë tema të ndryshme, pa harruar edhe temën kryesore për të cilën po bën presion i gjithë komuniteti perëndimor. Atë të Asociacionit.

- Advertisement -

Albin Kurti, për AFP-në, u zotua të mërkurën se do t’i rezistojë çdo përpjekjeje “shantazhi” dhe se nuk është e drejtë që t’i bëhet presion shtetit më pro-amerikan në Ballkan.

AFP shkruan për kronoligjinë e ngjarjeve që kanë ndodhur muajt e fundit, ku temë kryesore ka qenë dialogu. Për muaj të tërë, të dërguarit perëndimorë kanë lëvizur mes kryeqyteteve të Serbisë dhe Kosovës në një përpjekje të re diplomatike për të zgjidhur tensionet e gjata që ziejnë gati 25 vjet pasi lufta midis kryengritësve shqiptarë etnikë dhe forcave serbe shkaktoi një fushatë bombardimi të NATO-s që i dha fund luftimeve.

- Advertisement -

Sipas Kurtit, Kosova tani po përballet me një afat të marsit për të arritur në një lloj marrëveshjeje me Serbinë, pavarësisht një mali me pengesa.

“Pengesa jonë më e madhe është këmbëngulja dhe kërkimi i Beogradit për [një] makinë kohe. Ata duan të kthehen në kohë dhe kjo nuk është e mundur”, i tha Kurti AFP gjatë një interviste në Prishtinë.

“Kosova është një vend i pavarur dhe do të jetë më mirë që edhe Serbia ta njohë Kosovën”, shtoi kryeministri, duke thënë se një veprim i tillë ka të ngjarë të lehtësojë integrimin e Beogradit në Bashkimin Evropian.

- Advertisement -

Mes bllokimit, Kurti këmbënguli se barra i takon Serbisë, të cilën ai e quajti një “autokraci” që ka nxitur lidhje të ngushta me Kremlinin në Rusi dhe vazhdon të destabilizojë Evropën Juglindore, shkruan AFP.

- Advertisement -
Lajmet e fundit
- Advertisement -
Lajme të lidhura
- Advertisement -