Gjatë qëndrimit të tij në Abu Dabi, presidenti serb, Aleksandar Vuçiq, hodhi sërish akuza dhe ofendime ndaj Ministrit për Komunitete dhe Kthim në Qeverinë e Kosovës, Nenad Rashiq, ku mes tjerash e quajti edhe “diller droge”.
Ministri Nenad Rashiq pati një kundërpërgjigje për Vuçiqin.
“Je në adresën e gabuar nëse po kërkon mall”, tha ai në një prononcim për median serbe “Nova.rs”.
“Zoti Vuçiq, nëse jeni i interesuar për mall, më vjen keq, por më duhet t’ju them se jeni në adresë të gabuar, sepse unë nuk di gjë për këtë, por besoj se ju keni kanalet e juaja të informacionit.
Gjithashtu, pasi po flasim për këtë, nëse dini për ndonjë ‘dërgesë’ e cila pritet të ndodh, dhe besoj se mund ta dini, të lutem më trego. Besoj se suksesshëm mund ta parandalojmë një iniciativë të tillë kriminale”, ka thënë Nenad Rashiq.