Presidentja e Kosovës, Vjosa Osmani, ka kritikuar ashpër presidentin serb, Aleksandar Vuçiq, dje në mbledhjen e Këshilit të Sigurimit të OKB-së.
Ajo i ka kërkuar atij, që t’u kërkojë falje viktimave të luftës në Kosovë, duke përmendur katër heroinat Fahrije Hotin, Vasfije Krasniqin, Elhame Muqollin dhe Shyhrete Tahirin, që ishin të pranishme në seancën e KS të OKB-së.
Presidenten për këtë veprim, e ka duartrokitur anëtari i kryesisë së partisë Guxo, Luan Gacaferi, përcjell Bota sot.
“Momenti kur Vuçiq merr vesh se në seancë do jenë të pranishme edhe heroinat e Kosovës, dhe tmerrohet i tëri!
Bravo presidente Vjosa Osmani për këtë veprim sa human e patriotik aq edhe gjenial!”, ka shkruar ai në një postim në Facebook.
Në një postim tjetër, Gacaferi ka publikuar pamje të Vuçiqit, përballë katër liderëve të ndryshëm të Kosovës, duke bërë krahasime.
“Foto e parë: Vuçiq përballë Vjosa Osmanit
Foto e dytë: Vuçiq përballë Isa Mustafës
Foto e tretë: Vuçiq përballë Avdullah Hotit
Foto e katërt: Vuçiq përballë Hashim Thaçit”, ka shkruar ai sipër fotove të publikuara, në të cilat Vuçiq shihet nervoz e me kokë ulur vetëm gjatë përballjes me presidenten Osmani./Botasot