Rritja e çmimeve është ndikuar më së shumti nga inflacioni, i cili në Mal të Zi vitin e kaluar ishte 17.2%, ndërsa që nga fillimi i këtij viti çmimet janë rritur për rreth 14%.
Shoqata e Ofruesve të Akomodimit Privat pret që çmimet e tyre të jenë 10 deri në 30 për qind më të larta në sezonin kryesor.
“Ne kemi qenë nën suIm që nga pandemia e Covidit. Ne nuk jemi shëruar ende nga ajo pasi nuk kemi pasur ndonjë subvencion apo programe mbështetëse. Tani duhet t’i shtojmë inflacionin kësaj barre,” thotë Branka Dzhoganoviq për Radio Evropa e Lirë në gjuhën serbe.
Sipas të dhënave të Organizatës Turistike të Budvës, çmimet mesatare për dhomë dyshe në akomodim privat në sezonin kryesor do të jenë nga 20 deri në 50 euro për person, dhe apartamente për katër persona nga 50 euro e më shumë, në varësi të kategorisë dhe vendndodhjes.
Sipas të dhënave të tyre, çmimi mesatar i banesës me tre shtretër në Petrovac afër Budvës është 15 deri në 35 euro, ndërsa në Budvë çmimi është nga 20 deri në 40 euro.
Edhe çmimet e vitit të kaluar janë ruajtur
Megjithatë, ka të tillë që shohin logjikë biznesi në ruajtjen e çmimeve të vitit të kaluar. Zoran Dragoviq nga Petrovaci thotë se është e nevojshme t’i përshtatet fuqisë mesatare paguese të mysafirëve nga rajoni – Serbia, Bosnja dhe Hercegovina dhe Shqipëria.
“Nuk mund t’i them një mysafiri të rregullt: gjithçka është bërë më e shtrenjtë, kështu që unë duhet ta rris çmimin me 30%. Në vend të kësaj, duhet ta ruaj atë për një kohë të lumtur dhe të marr të paktën gjysmën e inflacionit”, thotë Dragoviç.
Ai shpjegon se logjika e tij e biznesit është se “Nga dhjetë mijë, më mirë të humbasësh një mijë, sesa të mos fitosh asgjë”, sepse beson se sundon “elementi i çmimit”.
Hotelierët janë të kujdesshëm me çmimet
Shoqata turistike malazeze thekson se hotelierët i kanë rritur çmimet e tyre këtë vit për rreth dhjetë për qind dhe se janë ende më të lira se konkurrenca në Kroaci apo Greqi.
“Sezoni ka filluar, ne tashmë kemi kontraktuar vende pune dhe nuk guxojmë t’i rrisim çmimet më shumë se kaq. Ata që shkojnë me çmime të larta do të “vuajnë” këtë verë”, tha hoteleri Zharko Raduloviq për RSE.
Ka rreth 140 hotele në zonën e Budvës dhe shërbimet në to do të jenë shtatë deri në njëzet për qind më të shtrenjta në sezonin kryesor turistik, sipas organizatës lokale turistike.
Çmimi mesatar për person në një hotel me tre yje do të jetë 28 deri në 46 euro, ndërsa në kategorinë më të lartë nga 37 deri në 140 euro. Fjetja me mëngjes në hotelet me pesë yje do të kushtojë nga 160 deri në 270 euro për person.
Çmime të reja edhe në plazhe
Ata që sapo planifikojnë buxhetin e pushimeve duhet të kenë parasysh çmimet në plazhe.
Në javët e para të majit, shumica e qiramarrësve të plazhit nuk paguajnë për ombrellë e shezlong, por shoqata e tyre thotë se çmimet gjatë sezonit kryesor do të jenë 10 deri në 20 për qind më të larta se vitin e kaluar.
Kjo është për shkak të kostove më të larta të punës, normave më të larta të interesit bankar dhe inflacionit, thotë Petar Deliq nga Ulqini, i cili ka mbi 20 vjet qiramarrës në Velika Plaža.
Vitin e kaluar, marrja një ombrellë me dy shezllone kushtoi 8euro në parasezon, dhe 10 euro në mes të verës. Kanapet e plazhit jepen me qira çdo ditë për 10 ose 30 euro.
Të gjitha plazhet e marra me qira në bregdetin malazez kanë një seksion të destinuar për vizitorët që nuk duan të marrin me qira shezlongë dhe çadra, ose kanë të tyren.
Përkatësisht, nga kjo verë do të ndalohet shëtitja me rroba banje në zonën e qytetit të vjetër dhe në rrugët e Budvës. Ata që nuk e respektojnë atë vendim do të paguajnë gjobë prej 200 eurosh./MeteoBallkan