Deputeti i ‘Guxo’, Haxhi Avdyli, i ka reaguar ashpër gazetarit Baton Haxhiu.
Haxhiu gjatë ditës së djeshme, në një shkrim të publikuar, ka sulmuar fort presidenten Osmani.
Haxhiu, ndër të tjera, kishte shkruar se “Vjosa do shuhet si histori turpi”, dhe sipas tij, “është produkt njëpërdorimësh i Kurtit”.
Deputeti Haxhi Avdyli ka shkruar në Facebook se “kur sulmet e argatëve të Stanishiqit si Batoni me shokë janë të ashpra, e kur shtohen nervoza, e shpifjet e mercenarëve politikë ndaj presidentes Vjosa Osmani, e kryeministrit Albin Kurti, atëherë të gjithë ne po bindemi 100% që këta liderë janë në rrugë të drejtë dhe janë duke punuar shumë për sovranitet, integritet e ligjshmëri në Kosovë”.
Tutje, Avdyli thotë se sa më e lartë po shkon shkalla e përbaltjes së klubit të vjetër e të dështuar, indikatorët e suksesit tonë si shtet po ngriten e më lartë po shkon edhe shkalla e kënaqshmërisë së qytetarëve me presidenten Osmani e kryeministrin Kurti.