14.2 C
Pristina
Friday, March 31, 2023

Futbollisti 24-vjeçar: I shpëtova tërmetit sepse pata ndenjur zgjuar për ta falur sabahun

- Advertisement -

Rekomandime

Kevin Soni, lojtari i Hatayspor, beson se ishte me fat që i shpëtoi tërmetit vdekjeprurës në Turq, duke zbuluar se kishte ndenjur zgjuar për ta pritur faljen e namazit të parë të ditës kur filluan dridhjet e tokës mëngjesin e hershëm të së hënës.

- Advertisement -

Turqia jugore dhe Siria veriore u goditën nga një tërmet i fuqishëm 7.8 ballësh të hënën herët në mëngjes, i cili i ka vrarë mbi 22 mijë njerëz në të dy vendet.

Derisa e tërë Turqia po vazhdon të shërohet nga plagët e tërmetit të tmerrshëm, Hatayspor, ekipi i futbollit nga qyteti Hatay, i cili është ndër qytetet më të prekura nga tërmeti, ishte klubi që është goditur më së keqi nga kjo fatkeqësi.

Lojtari 24-vjeçar i këtij ekipi, Kevin Soni, ka folur për përjetimin e tij të frikshëm gjatë tërmetit të hënën.

- Advertisement -

“Unë jam mysliman dhe shumë fetar, çfarë më shpëtoi mua ishte pritja zgjuar deri në orën 6:40 të mëngjesit për ta falur sabahun. Pra, nuk mund të flija”, tha Soni.

Ai shtoi: “Prandaj, thashë me vete se sikur të kisha fjetur, të kisha parë se si çdo gjë në ndërtesë u rrënua, do të kisha vdekur patjetër. Copa e murit që ranë ishin shumë të mëdha. Mendoj për këtë, ishte një ndërtesë 17-katëshe. Prandaj, do të kisha vdekur, nëse do të kisha qenë në gjumë (kur goditi tërmeti)”.

- Advertisement -

Tërmeti i tmerrshëm, i cili goditi në orët e hershme të mëngjesit të së hënës, i ka prekur edhe shumë sportistë në Turqi.

Deri tani raportohet për disa sportistë të vdekur dhe shumë të tjerë të lënduar gjatë tërmetit.

Numri i përgjithshëm i të vdekurve nga tërmeti në Turqi që prej ditës së hënë është rritur në 18.342, sipas autoriteteve vendase.

Në Siri thuhet të kenë vdekur mbi 4 mijë njerëz nga ky tërmet në zonat e kontrolluara nga qeveria dhe nga rebelët.

Turqia është njëra prej zonave më aktive të tërmetit në botë, për shkak të pozitës gjeografike.

Shumica e Turqisë ndodhet në pllakën tektonike të Anadollit, e cila ndodhet mes pllakave të mëdha – euroaziatike dhe afrikane – si dhe mes një të vogle, arabike. Derisa dy pllakat e mëdha lëvizin, Turqia shtrydhet, thonë ekspertët.

Kjo nënkupton se tërmetet janë shumë të zakonshme në Turqi. Sipas Autoritetit për Menaxhimin e Fatkeqësive dhe Emergjencave të Turqisë, në vitin 2022 u regjistruan hiç më pak se 22 mijë tërmete në Turqi.

Shumica e tërmeteve në këtë vend janë vdekjeprurëse. Tërmeti më i madh që e kishte goditur Turqinë deri sot ishte 7.6 ballësh në Izmit më 1999, duke i vrarë 17 mijë njerëz.

Tërmeti që goditi mëngjesin e sotëm, 7.8 ballësh, është më i madh që është regjistruar ndonjëherë në Turqi.

- Advertisement -

Më shumë

- Advertisement -

Të fundit