Presidenti i Shteteve të Bashkuara të Amerikës, Joe Biden duket se mbështet hakmarrjen e paralajmëruar nga Izraeli kundër Hamasit, pas sulmeve të së dielës që lanë më shumë se 1200 persona të vrarë.
Sipas kreut të Shtëpisë së Bardhë, Hamasi i ka duar me gjak dhe për këtë gjë duhet ta paguajë.
- Advertisement -
“Duart e përgjakura të Hamasit do ta paguajnë për atë që bënë. Izraeli e ka për detyrë të kundërpërgjigjet”, u shpreh Biden, teksa konfirmoi vdekjen e 14 amerikanëve nga sulmet.
Më tej, presidenti amerikan e krahasoi Hamasin me ISIS dhe shprehu angazhimin e tij për të dërguar më shumë armë në ndihmë të Izraelit.