25.7 C
Pristina
Saturday, June 22, 2024

A do të dalin pagat e mësuesve me rritje? Vjen lajmi i fundit nga Rrahman Jasharaj

- Advertisement -

Sindikatat e pavarura në vend shprehen skeptike nëse do të zbatohet nga muaji shkurt Ligji i ri i pagave për punëtorët e sektorit publik.

- Advertisement -

Sipas tyre nuk ka informacione nëse pagat do të dalin sot sipas koeficientit të ri ose jo.

Kryetari i Sindikatës së Pavarur të Administratës të Kosovës, Ali Gashi ka deklaruar për KosovaPress se është shqetësuese fakti se ende nuk janë sjellë listat e pagave.

- Advertisement -

Sipas tij nuk ka informacione të saktë se a do të dalin sot pagat me ligjin e ri.

As në Ministrinë e Financave nuk janë përgjigjur për KosovaPress se a do të ekzekutohen sot pagat.

Edhe kryetari i SBASHK-ut, Rrahman Jasharaj shprehet i shqetësuar ndaj ekzekutimit të pagave me ligjin e ri.

- Advertisement -

Sipas tij, ekziston mundësia që qeveria mos ta mbajë fjalën dhe pagat të dalin pa rritje.

“Ekziston ajo kërshëria cila do të jetë paga tani karshi pagës së janarit. Edhe nga informacionet e para që i kemi listat e pagave nuk kanë shkuar në institucione, dhe kjo krijon shqetësime shtesë dhe pikëpyetje se athua vallë qeveria do ta mbajë fjalën dhe do të veprojë me ligjin e ri në paga apo do të dalë se qeveria fjalët se i ka thënë kanë qenë sa për të thënë mbetet të presim… Uroj që ligji të jetë ekzekutuar, uroj që pagat të merren me ligjin e ri dhe sa do të jetë saktë kjo rritje do të shihet tek kur kolegët e mijë do të shkojnë në bankë dhe pastaj do të kemi një javë me plotë debate sepse mbase do të ketë edhe të pakënaqur”, tha Jashari.

Ndërsa i pyetur nëse janë të kënaqur nëse ekzekutohen pagat me ligjin e ri, ai tha se janë pjesërisht të kënaqur.

“Jemi pjesërisht të kënaqur, ngase ne kemi pritur një vlerë krejt tjetër dhe kemi thënë publikisht 120. Një pjesë kur jemi deklaruar për 105 e kanë lexuar se ne jemi pajtuar, mirëpo nuk jemi pajtuar dhe nuk kemi pas se si, sepse askush nuk na ka pyet fare për asnjë shifër”, tha mes tjerash Jasharaj.

- Advertisement -
Lajmet e fundit
- Advertisement -
Lajme të lidhura
- Advertisement -