Trump godet Mbretërinë e Bashkuar, Danimarkën dhe vende të tjera evropiane me tarifa shtesë për shkak të Grenlandës
Presidenti i Shteteve të Bashkuara, Donald Trump, ka komunikuar një seri të re tarifash për një sërë vendesh që eksportojnë mallra në ShBA, duke filluar nga 1 shkurti, sipas BBC.
Trump ka thënë se këto do të mbeten në fuqi “deri në momentin kur të arrihet një Marrëveshje për blerjen e Plotë dhe Totale të Grenlandës” nga SHBA-ja.
Duke shkruar në rrjetet sociale, Trump thotë se vendeve përfshirë Danimarkën, Norvegjinë, Suedinë, Francën, Gjermaninë, Mbretërinë e Bashkuar, Holandën dhe Finlandën do t’u vendoset “një tarifë prej 10%” për “të gjitha dhe çdo” lloj malli të dërguar në SHBA.
Më 1 qershor, kjo do të rritet në 25%, shkroi ai në Truth Social.
Tarifat janë taksa mbi mallrat e importuara dhe zakonisht i paguhen qeverisë nga kompanitë që sjellin produkte të huaja.