Komisioni Qendror i Zgjedhjeve ka përditësuar të dhënat nga procesi i rinumërimit të disa vendvotimeve nga zgjedhjet e 28 dhjetorit. Kandidati i PDK-së për deputet, Fetah Paçarizi del të jetë me 4,977 vota më pak gjatë këtij procesi.
Pas tij është Nait Hasani të cilit deri tani i janë hequr 2,774 vota. Kujtim Gashi në anën tjetër është me 1,977 vota më pak.
Nga ndryshimet e bëra përgjatë rinumërimit, Uran Ismaili është kandidati nga radhët e kësaj partie që rezulton se është dëmtuar më shumë nga të gjithë. Atij tani i janë shtuar 583 vota. Pas. tij është Arian Tahiri i cili ka tani 521 vota më shumë. 388 vota i janë shtuar kandidates, Vlora Çitaku.
Në Lëvizjen Vetëvendosje, atij që iu zbuluan vota të vjedhura gjatë procesit të rinumërimit, është kandidati për deputet, Arbër Rexhaj. Atij i janë hequr deri tani 534 vota.
Pas tij është Rea Krasniqi me -420 vota. Ndërsa me 401 vota më pak është Valon Ramdani. Në këtë parti, është Hajrulla Çeko atij të cilit i janë shtuar votat, 106. Alban Bajramit 93 dhe Driton Hysenit 76.
Në LDK, kandidatit Xhavit Uka deri tani i janë hequr 1,274 vota. Driton Selmanajt 876, dhe 460 i janë hequr kandidatit, Anton Quni. Visar Azemit 353 vota.
Nga kjo parti, Paris Gurit i janë shtuar 171 vota. Pas tij, Gëzim Hazrolli tani ka 121 vota më shumë dhe Festim Kabashi 100.
Kryesisht të gjitha këto dallime janë vënë re në Komunën e Prizrenit.
