30.3 C
Pristina
Wednesday, June 12, 2024

Televizioni zviceran SRF përgatit një kronikë për 25 vjetorin e çlirimit të Kosovës

- Advertisement -

SRF i ka kushtuar një kronikë të gjerë që ka filluar sonte dhe do të emetohet në katër pjesë, ditëve të ardhshme.

- Advertisement -

Kosova, 25 vite pas luftës dhe raportet e saj me Zvicrën. Kjo ishte tema të cilës magazina informative “10vor10”, emisioni më i shikuar i televizionit publik të Zvicrës SRF, i ka kushtuar një kronikë të gjerë që ka filluar sonte dhe do të emetohet në katër pjesë, ditëve të ardhshme.

Kronika fillon me konstatimin se marrëdhëniet e Zvicrës me Kosovën nuk fillojnë nga vitet `90, me luftën në Kosovë.

- Advertisement -

Ato datojnë së paku që nga fillimi i viteve `60 të shekullit të kaluar, kur në Zvicër fillojnë të vijnë shqiptarët nga ish Jugosllavia, në kuadër të kontingjenteve të “gastarbajterëve”, punëtorëve fizikë të rekrutuar nga entet e punës, si punëtorë krahu, njofton Albinfo.ch.

Si ilustrim, kronika tregon një video nga viti i largët 1979 të emetuar atëbotë në SRF, me protagonist një punëtor nga Gjilani, në Cyrih. Z. Krasniqi atëbotë punonte në ndërtim dhe qëndronte në Zvicër si sezonier, ashtu sikur të gjithë punëtorët e huaj asokohe.

Në emisionin e tanishëm gazetarët kanë kontaktuar nipërit e z. Krasniqi, studentë si pjesëtarë tashmë të brezit të tretë, në Zvicër, të cilët evokojnë kujtimet nga gjyshi i tyre, tashmë i ndjerë.

- Advertisement -

Në këtë kronikë i jepet fjala edhe ish ministres së jashtme të Zvicrës, Micheline Calmy Rey, e cila për shumëkë identifikohet si figura më meritore zvicerane e më gjerë, për sensibilizimin e çështjes së pavarësisë së Kosovës.

Ajo flet për misionin e saj dhe për respektin që gëzon në mesin e shqiptarëve në Kosovë dhe në Zvicër.

Në pjesën e kronikës që emetohet nesër, do të bëhet fjalë për marrëdhëniet ekonomike mes dy vendeve dhe për shqiptarët që janë kthyer nga Zvicra në Kosovë për të ndërtuar jetën e tyre në vendlindje.

- Advertisement -
Lajmet e fundit
- Advertisement -
Lajme të lidhura
- Advertisement -