Për tre muajt e fundit në Kosovë ka pasur rënie të çmimit të derivateve në Kosovë kanë rënë për 0.60 cent. Kështu të paktën ka thënë për Insajderin kryetari i Shoqatës së Naftëtarëve, Fadil Berjani.
Ai ka treguar se sa aktualisht po shitet një litër naftë e benzinë.
Çmimet sot sillen përafërsisht Dizelli 1.30 cent Benzina 1.36 cent. Unë kam deklaruar që sipas organizatës prodhuese OPEC se fundi i marsit do të ketë stabilizim të tregut dhe rënie të theksuar të çmimit”, tha ai.
Për 3 muaj kemi rënie të çmimit për 0.60 cent”, u shpreh Berjani.
Me rritjen e çmimit të derivateve një numër i konsiderueshëm i produkteve pësuan rritje, ndërkohë nuk ka ulje të tyre përkundër zhvillimeve në tregun e derivateve, thotë Berjani.
“Për standardin e qytetarëve tanë çmimi i derivateve janë të larta. Po shporta e qytetarëve është rrit në emër të naftës pas rritjes së naftës u rritën të gjitha produktet ushqimore. Po tash nafta ka rënë por produktet ushqimore po vazhdojnë të mbesin të larta”, theksoi ai.
Ai ka kërkuar që të gjithë të reflektojnë në ulje të çmimeve në favor të qytetarëve, duke theksuar se nafta ka pësuar rënie.
Kujtojmë që edhe komuna e Prishtinës me 11 mars të 2022-ës mori vendim për ngritjen e çmimit të startit të taksive nga 1.50 sa paguanin në 2 euro nën arsyetimin e rritjes së çmimit të derivateve, por sot kur çmimet kanë rënë ende ska ndonjë shenje se çmimet mund të rikthehen siç kanë qenë.
Njësoj është duke u vepruar edhe me çmimin e produkteve bazike si mielli përkatësisht të bukës e vajit.