10 C
Pristina
Wednesday, February 21, 2024

Këndoi shqip dhe bëri shqiponjën, këngëtarja boshnjake sulmohet nga mediat serbe

- Advertisement -

Këngëtarja boshnjake Selma Bajrami, që ka audiencë të gjerë në Serbi, është bërë cak i sulmeve të mëdha në mediat serbe, pasi në një video të publikuar në rrjetet sociale u pa të ketë interpretuar këngë shqip e duke bërë shqiponjën dykrenore me duar.

- Advertisement -

Këngëtarja ka thënë se është kërcënuar pas publikimit të videos nga performanca e saj në Sarajevë.

Pasi mediat dhe publiku në Serbi iu hodhën me akuza, këngëtarja në rrjete sociale ka shkruar se “komentet nuk e ndalin” dhe se “publiku serb e di se kush është ajo”.

@mirela_adnan #albanija #kosovoisalbania #bosna #selmabajrami ♬ original sound – Mirela Cosovic
- Advertisement -

“Pasi që pash se disa mendje të ndritura kanë publikuar videon nga performanca ime në Sarajevë, ku këndova një këngë shqip, duke u përpjekur të më kërcënojnë mua dhe lidhjen me audiencën në Serbi, ndjej se më duhet të reagoj. Siç e dinë shumica e fansave, rrënjët e mia janë nga Kosova, gjyshi im ishte shqiptar nga Kosova”, ka shkruar ajo në rrjete sociale.

Bajrami po ashtu ka shpjeguar se këngën “Valle kosovare” e ka interpretuar sepse i ishte kërkuar nga audienca. Këngëtarja ka thënë se është në gjendje të këndojë çfarëdo që i kërkohet edhe kur të interpretojë në Beograd.

- Advertisement -

“Kam qenë këngëtare për të gjithë njerëzit. Për boshnjakët, për serbët, për shqiptarët. Për të gjithë. Kushdo mund ta interpretojë si të dojë, unë ju përcjelli vetëm dashuri”, ka shkruar ajo.

- Advertisement -
Lajmet e fundit
- Advertisement -
Lajme të lidhura
- Advertisement -