Xhudistja Distria Krasniqi vazhdon ta ngrit Kosovën lartë më lartë, ku ka siguruar medalje në Kampionatin Evropian të Xhudos që po zhvillohet në Kroaci.
- Advertisement -
Krasniqi mposhti në gjysmëfinale spanjollen Soler Toro, e tani i mbetet të luftojë për medaljen e artë, në kategorinë deri në 52 kilogramë.
Kosovarja e rrëzoi spanjollen për të marrë një pikë në fillim, duke e vendosur në presion kundërshtaren, e cila bëri tre gabime andaj edhe u diskualifikua.
- Advertisement -
Përndryshe, Krasniqi në finale do të përballet me fituesin e gjysmëfinales tjetër Giuffrida – Pupp.
Kujtojmë, Flaka Loxha gjithashtu garoi të enjten në këtë Kampionat Evropian por pësoi humbje në raundin e dytë.