Banesë në vlerë 400 mijë euro, kredi…, kjo është pasuria e Kryeministrit Kurti

Kryeminsitri Albin Kurti ka deklaruar në Agjencinë për Parandalimin e Korrupsionit pasurinë e tij.

Ai pasuri të paluajtshme ka dekalruar një banesë në emër të gruas së tij në vlerë 400 mijë euro me sipërfaqe prej 67 metrash katrorë, shkruan Reporteri.

Kreu i qeverisë para të gatshme në emrin e tij i ka vetëm 1 mijë e 551 euro e 72 cent.

Ai tha se ka detyrime ndaj bankës 270 mijë euro për blerjen e banesës, kredi për të cilën tha se i përfundon më 1 janar të vitit 2052, ndërsa ka thënë se paguan edhe qira të shtëpisë në vlerë prej 250 euro.

Kurse sa i përket të ardhurave, Kurti ka thënë se ai merr pagë vjetore si kryeministër në vlerë prej 19 mijë e 43 euro.