16 C
Pristina
Thursday, September 29, 2022
- Advertisement -

Vuçiq e takon Këshilltarin kryesor të Biden: Folëm për Kosovën, ai është e ardhmja e politikës amerikane

Presidenti serb, Aleksandar Vuçiq thotë se ka pasur një takim me këshilltarin e presidentit amerikan për sigurinë kombëtare, Jake Sullivan, i cili ka zgjatur një orë më shumë se sa ishte planifikuar. Ai tha se nuk ka qenë e lehtë të merren vesh për disa çështje.

- Advertisement -

Vuçiq, duke folur për mediat në Nju Jork, tha se takimi me Jake Sullivan ishte ndoshta një nga takimet më të rëndësishme.

“Biseduam për të gjitha çështjet me rëndësi , edhe për Kosovën. Është me rëndësi që u njoha më të, ai është e ardhmja e politikës amerikane”, tha Vuçiq.

Nuk është e lehtë të biesh dakord për disa çështje, theksoi Vuçiq, por shtoi se biseda ishte shumë e hapur dhe e sinqertë.

- Advertisement -

“Dhe kur biseda është e hapur dhe e sinqertë, gjithmonë duhet të sjellë ndonjë përfitim, nuk mund të them gjithmonë se duhet të jetë e dobishme, por sjell disa të mira”, theksoi Vuçiq.

Ai gjithashtu tregon se Sullivan është e ardhmja e politikës amerikane dhe se ai është në një pozicion të tillë për të vendosur për çështjet kyçe të botës, luftën dhe paqen.

“Ne i kemi shqyrtuar të gjitha çështjet. Unë thashë se cilat janë qëndrimet e Serbisë dhe theksuam se e rëndësishme është që bashkërisht të bëjmë çmos që të rrisim aktivitetin ekonomik mes Serbisë dhe Amerikës, të kemi gjithnjë e më shumë investitorë”, tha Vuçiq.

- Advertisement -

Vuçiq vlerësoi se në Nju Jork ka pasur shumë biseda dypalëshe, duke përfshirë edhe një takim me shefin e diplomacisë kineze, Ëang Yi , me të cilin ka biseduar për marrëdhëniet ndërmjet Serbisë dhe Kinës.

Ai theksoi se është e rëndësishme që Serbia të ruajë pozicionin e saj të pavarësisë, si dhe marrëdhëniet e mira me Kinën.

Vuçiq në fund tha se është i interesuar si të luftojnë për Kosovën, shkruan rts, transmeton Gazeta Express.

“Ne nuk merremi me çështje të brendshme në vendet e tjera. Ne jemi të interesuar se çfarë po ndodh në arenën ndërkombëtare dhe si të luftojmë për Kosovën”, ka theksuar Vuçiq.

- Advertisement -
Të fundit
- Advertisement -
Lajme të lidhura
- Advertisement -