Presidenti i Serbisë, Aleksandar Vuçiq ka thënë se Serbia është e gatshme për bisedime me Kosovën, por se dihet se duhet të diskutohet për Asociacionin e Komunave me shumicë serbe.
Vuçiq shtoi se Serbia nuk do t’i shmanget dialogut, por se duhet të dihet sekuenca e lëvizjeve, raportojnë mediat serbe, përcjell Demokracia.com..
- Advertisement -
Ai thotë se nuk është optimist për takimin e radhës, duke e njohur kryeministrin e Kosovës, Albin Kurtin dhe Prishtinën zyrtare.
Vuçiq deklaroi për mediumin serb TV Pink “se biseda e tij me përfaqësuesin e lartë të BE-së për Politikën e Jashtme dhe Sigurinë, Josep Borrell, në Mynih nuk ishte e lehtë dhe se Serbia u kritikua ashpër se nuk i shtoi sanksionet Rusisë”.
- Advertisement -
Kurti dhe Vuçiq pritet të takohen më 27 shkurt.