23.2 C
Pristina
Wednesday, June 29, 2022

Von der Leyen fanse e Dua Lipës, Vjosa Osmani e fton presidentin Macronin në “Sunny Hill”

Në selinë e Bashkimit Evropian, ka nisur Samiti BE-Ballkani Perëndimor, ku në takim po merr pjesë edhe presidentja e Kosovës, Vjosa Osmani.

Presidentja Osmani gjatë realizimit të fotografisë bashkë me presidenten e Komisionit Europian, Ursula von der Leyen, presidentin e Këshillit Europian, Charles Michel dhe presidentin francez Emmanuel Macron, i ka ftuar në festivalin “Sunny Hill” në Prishtinë.

“Shpresoj se do t’ju kemi në kohën kur në Kosovë po zhvillohet festivali Sunny Hill i cili po sjell një formacion të mrekullueshëm dhe gjithashtu ju z.President, jeni të ftuar të gjithë”.

Von der Leyen pastaj tha se bashkë me Osmanin janë fanse të së njëjtës këngëtare – Dua Lipës.

Këtu Osmani u ngut t’i tregojë emrin e artistes presidentit francez, duke i thënë se është nga Kosova.

“Dua Lipa, nga Kosova”, ishte sqarimi i saj për Macronin.

Të fundit
Lajme të lidhura