18.7 C
Pristina
Tuesday, May 21, 2024

Vjen një parashikim i keq për Vuçiqin, eksperti austriak: Do të humbasë përballë Kurtit – kështu Kosova do arrijë fitoren e madhe!

- Advertisement -

“Nëse Vuçiq nuk nënshkruan të hënën, BE, SHBA dhe NATO do të izolojnë Serbinë dhe do të ngrijnë statusin e kandidatit në BE”
Të hënën, me 27 shkurt, në Bruksel do të takohen krerët institucional të Kosovës dhe Serbisë.

- Advertisement -

Për dallim nga herat e kaluara, kur kryeministri i Kosovës, Albin Kurti dhe presidenti i Serbisë, Aleksandër Vuçiq ishin takuar, kësaj here nuk do të diskutohet për përmbajtjen e planit evropian.

Vetë emisari i BE-së, për dialog, Miroslav Lajçak, ditë më parë deklaroi se në takimin e 27 shkurtit nuk ka asnjë mundësi që të diskutohet përmbajtja e marrëveshjes, duke konfirmuar kështu atë që kishte deklaruar Kurti më 15 shkurt në Kuvend të Kosovës, ku kishte thënë se atij i është prezantuar plani evropian në formën “merre ose lëre”.

- Advertisement -

Sipas Lajçakut, në Bruksel do të diskutohet vetëm mënyra dhe plani i zbatimit të marrëveshjes dhe asgjë tjetër.

Se çfarë pritet nga kjo përballje Kurti-Vuçiq, në një prononcim për “Bota sot” foli eksperti austriak, Gunther Fehlinger.

Sipas tij, ky është një moment historik për paqen në rajonin e Ballkanit.

- Advertisement -

“Shumica e analistëve supozojnë se do të dëshmojmë një moment historik të madh për paqen në Ballkan. Unë jam një optimist i lindur dhe një aktivist paqeje, kështu që shpresoj se do të jetë kështu. Fatkeqësisht, unë jam realist dhe shoh pak përparim në anën serbe në vitin e parë të luftës, kështu që mbetem skeptik”, deklaroi eksperti austriak.

Krahas kësaj, ai përmendi edhe presionin që po i bëhet kryeministrit Kurti për themelimin e Asocaicionit, derisa potencoi se çfarëdo që Vuçiq të bie dakord, ai nuk do të jetë në gjendje të qëndrojë në pushtet për një kohë të gjatë në Serbi.

“Shpresoj. Por rezultati më i mundshëm është një Rambuje i dytë. Palët kosovare pajtohen nën presionin e madh ndërkombëtar për Asociacionin, të cilin në realitet shumica në Kosovë e refuzojnë. Një shoqatë e cila është kundër parimeve evropiane dhe Kushtetutës moderne evropiane të Kosovës e hartuar nga miku i madh i Kosovës, diplomati austriak Albert Rohan. Ai do të kthehej në varrin e tij për të parë Komunitetin Ndërkombëtar duke i imponuar Kosovës një konstruksion kaq të mjerueshëm. Por Kosova duhet të pajtohet me këtë, Albin Kurti tani po përballet me të njëjtin presion si Hashim Thaçi në vitin 1999. Dhe Kosova është aleate e Perëndimit dhe duhet të veprojë. Por mos u shqetësoni, rezultati më i mundshëm është se çfarëdo që Vuçiq të bie dakord, ai nuk do të jetë në gjendje të qëndrojë në pushtet për një kohë të gjatë në Serbi”, theksoi Fehlinger.

Në vazhdim, eksperti austriak beson se Vuçiq ai do të humbasë të hënën me nënshkrimin e këtij kompromisi.

“Ai është një faktor i shpenzuar në politikën serbe. Zotëri i tij Putin po e humb luftën në Ukrainë dhe mbështetësit e tij nacionalistë nuk do të pranojnë asnjë marrëveshje me Kosovën, qoftë edhe një formë kaq të butë njohjeje që është kompromisi gjerman francez. Dhe Serbia evropiane do të ngrihet kundër ish-ministrit autoritar të Millosheviç Vuçiqit pasi ai nuk sjell asnjë rezultat të prekshëm nga Brukseli. Unë kam avokuar për vite me radhë që të ofrohet euro si valutë për Serbinë për njohjen e Kosovës, por palët paqësore të BE-së nuk janë në gjendje të japin. Pra, Vuçiq nuk ka asgjë të prekshme për t’i paraqitur votuesve të klasës së mesme serbe, përveç grushtit të fortë të shtypjes dhe mjeteve që ai ka për këtë, ai do të humbasë të hënën me nënshkrimin e këtij kompromisi”, nënvizoi ai.

Më tej, Fehlinger vlerëson se Kosova me nënshkrimin e kësaj marrëveshje në Bruksel do të jetë fituesja më e madhe.

Madje, befasoi me deklaratën e tij se qeveria e Vuçiqit do të rrëzohet shumë shpejt.

“Pra, Kosova mund ta nënshkruajë këtë marrëveshje sepse Serbia nuk do ta zbatojë sidoqoftë dhe nëse Kosova qëndron në anën e mirë të Perëndimit, njohja nga Ukraina, Moldavia, Sllovakia dhe Rumania dhe Greqia është e mundur dhe Kosova është fituesja e madhe. Dhe Kosova më pas në 2024 mund të përfundojë një marrëveshje të vërtetë paqeje me Presidentin evropian të Serbisë pas rënies së Aleksandër Vuçiqit dhe regjimit të tij pro-rus serb, e cila do të rrëzohet më së fundi deri në tetor 2023 për shkak të rënies së Putinit dhe përparimit të madh me njohjet ndërkombëtare për Kosova. Presidenti i ardhshëm i Serbisë pas Vuçiqit do të jetë i gatshëm për njohjen e plotë të Republikës së Kosovës për të ecur drejt anëtarësimit të përbashkët të trefishtë në BE për Serbinë, Bosnjën dhe Kosovën gati për zgjedhjet e PE 2029”, shpjegoi eksperti austriak.

Në fund, ai konsideron se presidenti serb do të humbasë çfarëdo që të bëjë të hënën dhe Kosova do të fitojë nëse nënshkruan të hënën.

“Dhe nëse Vuçiq nuk nënshkruan të hënën, BE, SHBA dhe NATO do të izolojnë Serbinë dhe do të ngrijnë statusin e kandidatit në BE dhe kështu Vuçiq do të humbasë pushtetin edhe më shpejt. Pra, ai do të humbasë çfarëdo që të bëjë të hënën dhe Kosova do të fitojë nëse Kosova nënshkruan të hënën. Kështu që unë rekomandoj fitimin dhe nënshkrimin dhe aplikimin e menjëhershëm për anëtarësimin zyrtar në NATO dhe OBT në mbledhjen e ardhshme të Qeverisë javën e ardhshme. Kosova mund të marrë statusin e kandidatit të MAP-it për NATO-n në korrik 2023 në Samitin e Vilniusit dhe të anëtarësohet në vitin 2024 në Samitin e NATO-s në SHBA dhe kjo do të jetë përparimi i madh për paqen në Ballkan dhe Evropë. Kosova në NATO duhet të jetë objektivi qendror strategjik i Republikës së Kosovës”, përmbylli Gunther Fehlinger për “Bota sot”.

- Advertisement -
Lajmet e fundit
- Advertisement -
Lajme të lidhura
- Advertisement -