-0.7 C
Pristina
15 Janar, 2021 - 14:45

Vetëvendosje e thotë sërish: S’do të lejojmë të mbahen seancat sa herë që në sallë është Driton Selmanaj

- Advertisement -

Deputeti i Lëvizjes Vetëvendosje, Liburn Aliu ka thënë se do të pengojnë edhe seancat tjera në qoftë se në sallë është i pranishëm zëvendëskryeministri Driton Selmanaj.

Aliu në një konferencë për media tha se kanë penguar seancën për shkak se Selmanaj është i padëshiruar në Kuvend, transmeton Telegrafi.

“Seanca e u ndërpre për shkak të protestës për praninë e Selmanajt në Kuvend. Ne kemi shpreh qëndrimin tonë se ai është i padëshirueshëm në Kuvend për shkak të deklaratës së tij për të pagjeturit. LDK dhe Qeveria e dinë këtë gjë, prezenca e tij ishte provokim. Ata po dështojnë të sjellin ligje”, u shpreh ai.

Deputeti theksoi se sa herë të jetë në sallë Selmanaj, ata do të vazhdojnë me veprime të tilla.

“Nëse Selmanaj do të vjen, dihet reagimi jonë. Sa të është në sallë Selmanaj, ne do të qëndrojmë aty dhe do të pamundësojmë zhvillimin e seancës”, shtoi ai.

Ndryshe, deputetët e LVV-së sot nuk kanë lejuar që të mbahet seanca pasi që aty ishte edhe zëvendëskryeministrin Selmanaj. Ata kanë goditur tavolinat në Kuvend, duke pamundësuar zhvillimin e  seancës.

Të fundit

Të tjera nga rubrika