fbpx
-0.6 C
Pristina
E hënë, 30 Janar, 2023

Varianti më agresiv i Omicrion, autoritet e shëndetit në Evropë: Kemi një lajm të mirë e një të keq

- Advertisement -

Duhet Lexuar

Qendra Europiane për Kontrollin dhe Parandalimin e Sëmundjeve ka dhënë një lajm të mirë dhe një të keq për nënvariantin më agresiv të Omicron, “Kraken”.

Lajmi i keq është se XBB.1.5 po përhapet me shpejtësi dhe me gjasë ka avantazhe të mëdha ndaj llojeve aktualisht mbizotëruese të variantit Omicron. Kurse lajmi i mirë është se Kontinenti i Vjetër mund të ketë pak kohë për t’u përgatitur derisa të shfaqen vatrat e reja të këtij varianti.

- Advertisement -

“Ekziston mundësia që ky variant të ketë një efekt në rritje në numrin e rasteve të COVID-19 në BE, por jo brenda muajit të ardhshëm, pasi ky variant aktualisht është i pranishëm në BE vetëm në nivele shumë të ulëta,” thuhet në vlerësimin e fundit të bërë nga ECDC.

Sipas ECDC, rritja e shkallës së përhapjes ka të ngjarë të vijë për shkak të aftësisë së XBB.1.5 për të shmangur mbrojtjen e sistemit imunitar të siguruar nga infeksionet ose vaksinimet e mëparshme.

Në të njëjtën kohë, ai ka një mutacion në proteinën “spike”, pjesa e virusit që ngjitet në qelizat e bujtësit, gjë që mund t’i japë disa avantazhe.

Për momentin, ky nën-variant është vetëm një devijim i vogël në radarin e Europës për sa i përket numrit të rasteve, megjithëse është zbuluar në Danimarkë, Francë, Austri, Holandë, Gjermani, Itali, Spanjë, Suedi, Islandë, Belgjikë, Republika Çeke, Portugali dhe Irlandë.

- Advertisement -

Të dhënat që vijnë nga SHBA tregojnë se XBB.1.5 përhapet në mënyrë agresive ndërsa rastet dyfishohen çdo nëntë ditë.

- Advertisement -

Të fundit

ZbuIimi i skeIeteve dhe Gjigandët e Çamërisë

Shkruan: Fahri XHARRA Flitet se dikur në Tokë jetonin njerëz gjigandë. Disa besojnë në këtë teori e të tjerë jo....
- Advertisement -

Më shumë

- Advertisement -