fbpx
-5 C
Pristina
E diel, 5 Shkurt, 2023

Urime liberalizimi, Kosovë: Ambasadorët e BE-së i japin dritën jeshiIe heqjes së vizave

- Advertisement -

Duhet Lexuar

Ambasadorët e shteteve anëtare të Bashkimit Evropian janë pajtuar për liberalizimin e vizave për shtetasit e Kosovës. Presidenca Çeke tani do t’i nisë negociatat me Parlamentin Evropian si hapin e fundit para udhëtimit pa viza.

“Sot kemi marrë një hap të rëndësishëm para për udhëtim pa viza për Kosovën dhe tash shpresojmë të arrijmë marrëveshje me Parlamentin Evropian për ta bërë realitet këtë premtim. Liberalizimi i vizave është bërë i mundshëm për shkak të përpjekjeve të Kosovës për të forcuar kontrollet e saj kufitare, menaxhimin e migrimit dhe sigurinë, dhe besojmë se ky bashkëpunim i mirë vetëm se do të forcohet në të ardhmen”, ka thënë ministri i Jashtëm i Çekisë, Jan Lipavsky, në një komunikatë për media të publikuar të mërkurën në uebfaqen e Këshillit Evropian.

- Advertisement -

Drafti ua mundëson qytetarëve me pasaporta të Kosovës të udhëtojnë pa viza drejt BE-së për 90 ditë në periudhë gjashtëmuajshe. Nën kushtet aktuale, liberalizimi i vizave do të nisë në datën e nisjes së sistemit ETIAS dhe në asnjë rast më larg se 1 janari 2024.

Vendimi i ambasadorëve ishte paraparë të merrej javën e shkuar, por u hoq nga rendi i ditës me arsyetimin “për shkak të situatës në veri”, në kohën e tensioneve për targat.

Ishte hera e parë kur një vendim i procesit të liberalizimit u lidh me dialogun në mënyrë direkte.

Pas votimit të ambasadorëve, çështja e liberalizimit kalon në Parlament Evropian dhe në Komision Evropian. Por të dyja janë deklaruar pro liberalizimit të vizave për Kosovën. Komisioni Evropian qysh në vitin 2018, ka konfirmuar se Kosova i ka përmbushur gjitha kushtet për liberalizim të vizave.

- Advertisement -

Të fundit

Akti heroik i 22-vjeçarit shqiptar, hyn në shtëpinë që po digjej dhe shpëton 1-vjeçarin

Një 22-vjeçar shqiptar  ka shpëtuar nga flakët një fëmijë rreth 1 vjeç e gjysmë në Lamia, Greqi, pasi u...
- Advertisement -

Më shumë

- Advertisement -