Ukraina nisi një nga sulmet më të mëdha me dron drejt Moskës dhe njësitë ruse të mbrojtjes ajrore shkatërruan të paktën dhjetë dronë, tha sot në mëngjes kryetari i bashkisë së Podolskit, që ndodhet 38 kilometra në jug të kryeqytetit rus.
“Sistemet e mbrojtjes ajrore vazhdojnë të zmbrapsin sulmet nga aeroplanët e armikut. Disa prej tyre u shkatërruan mbi Podolsk. Kjo është një nga përpjekjet më të mëdha për të sulmuar Moskën me dronë. Ne ende po monitorojmë situatën”, shkroi kryebashkiaku, Sergej Sobyanin në Telegram.
Pamjet e sulmit po përhapen në rrjetet sociale, shkruan france24.
Sipas informacioneve fillestare, nuk ka persona të lënduar dhe nuk ka dëme të regjistruara, shtoi Sobjanin. Ukraina ka dërguar vazhdimisht një ose dy drone drejt Moskës në muajt e fundit, por që nuk ka shkaktuar dëme të konsiderueshme.
The Mayor of Moscow Sergei Sobyanin says that Russian air defenses have shot down 10 UAVs tonight. He says this is one of the largest UAV attacks on Moscow. https://t.co/Fk4PJ3ru7yhttps://t.co/D1btneEetghttps://t.co/B9Lzrn2hWJhttps://t.co/b768uROrm3https://t.co/BKMIfnmCqo pic.twitter.com/hkY84VoGpI
— Rob Lee (@RALee85) August 21, 2024
Megjithatë, sulmi i fundit duket të jetë më i madh se ai i muajit maj të vitit të kaluar, kur të paktën tetë dronë u shkatërruan mbi kryeqytet, duke bërë që presidenti rus, Vladimir Putin të thoshte se Kievi po përpiqej të provokonte dhe trembte Rusinë.
Zyrtarët rusë rrallë japin detaje të plota të sulmeve, kryesisht duke raportuar vetëm dronët e shkatërruar nga njësitë e tyre të mbrojtjes ajrore. Gjithashtu, Rusia dhe Ukraina rrallë zbulojnë shkallën e plotë të dëmit që ndodh si rezultat i sulmeve të ndërsjella, me përjashtim të rasteve kur dëmtohet infrastruktura rezidenciale ose civile ose kur vritet një civil.
Sulmi i lartpërmendur ndaj Moskës është pjesë e një sulmi më të gjerë nga dronët nga Ukraina, vunë në dukje zyrtarët rusë, duke pasur parasysh se sistemi i mbrojtjes ajrore ndaloi 18 dronë mbi rajonin Bryansk në Rusinë jugperëndimore dhe disa të tjerë mbi rajone të tjera. Por, as aty nuk janë regjistruar dëme.
Në muajt e fundit, Kievi ka shtuar sulmet ajrore në territorin rus, por thekson se po e bën këtë për të shkatërruar infrastrukturën kryesore të nevojshme për operacionet e luftës. Ata gjithashtu deklarojnë se sulmet e tyre janë një përgjigje ndaj sulmeve të vazhdueshme ruse në territorin ukrainas. /Telegrafi/
Ukraine 🇺🇦 has launched a massive kamikaze drone attack tonight on multiple locations in Russia, including Moscow, Rostov, Bryansk, and Belgorod pic.twitter.com/KxYh0NBliL
— Ukraine Battle Map (@ukraine_map) August 21, 2024