3.3 C
Pristina
E diel, 27 Nëntor, 2022
- Advertisement -

Sveçla shkon në Veri: Policia do të vazhdojë të kryejë misionin e saj për të siguruar ambient të qetë

Ministri i Punëve të Brendshme, Xhelal Sveçla ka shkuar në veri të vendit për t’i vizituar pjesëtarët e Policisë së Kosovës atje.

Sveçla tha në një postim në Facebook se policët e Kosovës po i përmbushin detyrat e tyre zyrtare me përkushtim, “duke siguruar ambient të qetë”.

- Advertisement -

“Sot isha për vizitë në pikën kufitare në Bërnjak, në stacionin policor të kufirit në Bërnjak dhe në stacionin policor të policisë kufitare në Jasenovik. Gjithë pjesëtarët e Policisë së Kosovës me përkushtim janë duke përmbushur detyrat e tyre zyrtare duke siguruar ambient të qetë dhe shërbime për të gjithë qytetarët, si në pikat kufitare ashtu edhe brenda gjithë territorit të Republikës së Kosovës”, shkroi Sveçla.

“Policia e Kosovës është e të gjithë qytetarëve të Republikës së Kosovës. Si e tillë, ajo do të vazhdojë të kryejë misionin e saj me gatishmëri të plotë në shërbim të të gjithë qytetarëve tanë pa asnjë dallim”, ka shtuar ministri.

- Advertisement -
Të fundit
- Advertisement -
Lajme të lidhura
- Advertisement -