Stuhi e fuqishme në Mal të Zi, raportohet për dy viktima

Dy persona kanë humbur jetën si pasojë e një stuhie të fuqishme që goditi Malin e Zi me shira të dendur dhe erëra të forta.

Dhjetëra pemë u rrëzuan, teksa era mori me vete çadra plazhi, tjegulla dhe objekte të tjera të forta.

Sipas mediave malazeze, si pasojë e stuhisë ka humbur jetën një punëtor i vinçit në një kantier ndërtimi si dhe një person që u godit nga rrufeja në Lushticë.

Sipas të dhënave nga stacioni meteorologjik i Barit, në momentin e stuhisë, fuqia e erës arriti në 200 kilometra në orë.