22.7 C
Pristina
Tuesday, July 23, 2024

SpeciaIja: Thaçi tentoi ta minonte gjykatën dhe i ofroi përfitime disa prej të ftuarve nga Prokuroria

- Advertisement -

Në parashtresën e administratores së Dhomave të Specializuara, Fidelma Donlon, për kërkesën e mbrojtjes së ish-presidentit të Kosovës, Hashim Thaçit, për vizitë të tij në Kosovë për qëllime humanitare, përmendet një vendim i panelit të Gjykatës Speciale. Sipas këtij vendimi, ish-presidenti Thaçi ka tentuar që ta minojë Gjykatën Speciale dhe t’iu ofrojë përfitime disa nga të ftuarve nga Prokuroria Speciale.

- Advertisement -

Parashtresa e Administratës që ka parë Gazeta Insajderi i referohet arsyetimit të dhënë në vendimin efundit të panelit të gjykatësve për vazhdimin e paraburgimit të ish-presidentit Thaçi.

“Paneli tashmë ka përcaktuar dhe mban qëndrimin se z. Thaçi ka: (i) [REDAKTUAR]; (ii) tentoi të minonte Gjykatën Speciale dhe ofroi përfitime për personat e thirrur nga ZPS-ja; (iii) pozicion ndikimi në Kosovë që mund t’i mundësonte atij të nxiste mbështetjen e simpatizantëve; dhe (iv) duke pasur parasysh fillimin e gjykimit, ka njohuri shtesë për provat që mbështesin akuzat e rënda kundër tij”, thuhet në vendimin e prillit për vazhdimin e paraburgimit të të akuzuarit, të cilit iu është referuar Administrata e Dhomave të Specializuara në parashtresën e 24 majit.

- Advertisement -

Parashtresa e Administratës së Dhomave të Specializuara, pjesa ku thuhet se Paneli i Gjykatësve mësuan se Thaçi tentoi ta minonte Gjykatën Speciale dhe iu ofroi përfitimeve disa nga personave të ftuar nga ZPS-ja

Në argumentet e parashtruara të Administratorës për kërkesën për vizitë të Thaçit në Kosovë njoftoi se mbrojtja kërkoi që ish-presidenti të qëndronte në Kosovë për katër ditë.

- Advertisement -

“Më 23 maj 2023, z. Thaçi ka dorëzuar një kërkesë për lirim të përkohshëm për arsye humanitare “për një periudhë prej katër (4) ditësh me qëllim që ta lejojë të vizitojë nënën e tij e cila është duke vuajtur nga një problem kritik mjekësore dhe t’i ofrojë ngushëllim babait të tij dhe anëtarë të tjerë të ngushtë të familjes”, bëhet e ditur në parashtresë.

Shqetësim tjetër i ngritur nga Administrata është mos-dhënia e adresës së saktë të familjes nga ana e Thaçit.

“Për sa i përket vendndodhjes së adresës së familjes, Sekretari vëren se z. Thaçi nuk ka dhënë adresën e saktë të vendbanimit të nënës së tij, por ka treguar se vendbanimi ndodhet në [REDAKTUAR]. Administrata kërkon që të jepet vendndodhja e saktë”.

Për shkak të këtyre arsyeve, Administrata kërkoi që Thaçi të qëndronte një ditë, gjë që më vonë u aprovua nga paneli i gjykatësve.

Ish-presidenti Thaçi erdhi në Kosovë më 29 maj. Ai, nën masa të ashpra të sigurisë shkoi në shtëpinë e tij në Burojë të Skenderajt, për ta vizituar nënën e tij.

Atij iu është lejuar të vizitojë vetëm prindërit e tij.

- Advertisement -
- Advertisement -
Lajmet e fundit
- Advertisement -
Lajme të lidhura
- Advertisement -