Hoxhë Mazllam Mazllami ishte përsëri në vëmendje të opinionit publik, por kësaj here jo shkaku i Mercedesit të tij sa shkaku i disa fjalëve për flamurin kombëtar shqiptar. Por, tash ai ka postuar një video ku duket me një motoçikletë me flamurin kuq-e-zi.
Hoxhë Mazllami kishte publikuar edhe videon e plotë që ishte postuar më datë 28 nëntor të vitit të kaluar. Megjithëse i thoshte fjalët e papranueshme për flamurin kombëtar shqiptar – që e cilësonte si leckë e harrën – ai thoshte fjalë të mira për atdheun (vatanin).
Dhe duket se e gjithë ajo video ishte bërë pasi z. Mazllami ishte parë duke u shëtitur me një motoçikletë katër-rrotëshe prapa të cilit ndodhej flamuri kuq-e-zi. Kjo video mban datën e 27 nëntorit të vitit të kaluar, pra një ditë para se të postohej videoja e famshme që bëri bujë dje.
Edhe në video ai dëgjohet derisa adreson disa kritika, që ndoshta i kishin ardhur nga xhemati për këtë sjellje të tij me flamurin kombëtar shqiptar.