16 C
Pristina
Thursday, September 29, 2022
- Advertisement -

Shembull i mirë, mësuesja e rritur pa baba: Jap kurse falas për jetimët dhe prindërit e vetëm

E rritur jetime, Adiola Mataj e ka provuar se ç’do të thotë të rritesh nga vetëm njëri prind dhe prandaj e ndjen dhe si detyrim.

E për t’u ardhur në ndihmë fëmijëve që kanë të njëjtin fat, mësuesja 33-vjeçare ka zgjedhur t’u ofrojë kurse anglishteje falas.

- Advertisement -

Të njëjtin shërbim, Adiola u ofron edhe prindërve të divorcuar dhe atyre të vetmuar.

“Unë jam Adiola Mataj mësuese anglishtje me eksperiencë mbi 7 vjet. Im atë ka ndërruar jetë 42 vjeç dhe unë jam rritur jetime. Duke qenë se jam rritur jetime doja që të gjithë fëmijët që rriten jetim siç jam rritur dhe unë vetë doja që t’iu ofroj kursin e anglishtes falas sepse kanë nevojë.”

I ka ndjerë vetë nën lëkurë vështirësitë e të rriturit vetëm me njërin prind, pasi babai e la vetëm 10 vjeç.

- Advertisement -

Adiola Mataj, sot është 33 vjeç dhe me aq mundësi sa ka, profesionin e ka vënë në funksion të kategorive në nevojë.

Jo vetëm për fëmijët jetimë, por dhe për prindërit e vetmuar, ajo ofron kurse anglishte falas.

E vetmja gjë që kërkon nga Bashkia, është një ambient ku të mësojë kursantët, pasi banesa e saj ka hapësirë të pamjaftueshme.

- Advertisement -

I gjithë shpërblimi që arrin të marrë Adiola është buzëqeshja e mirënjohja që merr nga fëmijët, të cilët me kontributin e saj, nesër mund të kenë më shumë mundësi.

Ajo është një shembull i mirë për të gjithë ne, pasi na duhen frymëzime të tilla.

Të lumtë moj vajzë dhe vetëm arrifsh majat.

Shkrimi u mor nga portali shqiptarja.com, ndërsa rubrika u realizua në Report TV.

- Advertisement -
Të fundit
- Advertisement -
Lajme të lidhura
- Advertisement -