12 C
Pristina
Thursday, March 28, 2024

Serwer: Amerikanët mund t’ia bëjnë jetën e vështirë Kurtit – Kosova me kapacitete të limituara

- Advertisement -

Analisti amerikan që përcjell dhe analizon zhvillimet në Ballkanin Perëndimor, Daniel Serwer, ka reaguar pas ngjarjeve të sotme në veri të Republikës së Kosovës dhe për qortimin amerikan ndaj Qeverisë Kurti.

Serwer thotë se Kurti e ka logjikën, por ka vënë në pikëpyetje kapacitetin e Kurtit dhe Kosovës për të implementuar atë që mendon, pasi profesori amerikan potencon se vetëm logjika nuk mjafton.

- Advertisement -

“Nuk jam i vetëdijshëm për mendimin aktual të kryeministrit Kurti për çështjen specifike të kryetarëve të komunave. Por ai është një liberal demokrat i vdekur që beson në të drejta të barabarta sipas ligjit. Ai është gjithashtu ai që unë do ta quaja “sovranist”. Kurti beson se Kosova është dhe duhet të veprojë si një shtet sovran. Këto dy karakteristika e bëjnë vendosjen e kryetarëve të bashkive një lëvizje logjike.Megjithatë, vetëm logjika nuk mund të diktojë politikën. Aftësia gjithashtu ka rëndësi”, ka shkruar Serwer.

Profesori amerikan thotë se Kurti është i kufizuar për nga numri i forcave policore për t’u marrë me dhunën e serbëve lokale kundër kryetarëve të komunave dhe se ka përkrahje shumë të vogël për vendosjen e tyre nëpër objekte të komunave.

- Advertisement -

“Ai është i kufizuar në dy mënyra: Kosova ka forca të kufizuara policore në dispozicion për t’u marrë me dhunën serbe kundër kryetarëve të komunave dhe padyshim që ka një mbështetje shumë të kufizuar ndërkombëtare për instalimin e tyre”, ka shkruar Serwer.

Ai tutje ka shkruar se SHBA-ja ka kapacitete, por sipas tij amerikanëve iu mungon logjika.

Serwer thotë se SHBA-ja mund t’ia vështirësojë jetën Kurtit, por se pozicioni tyre për zgjedhjet në veri s’ka logjikë.

- Advertisement -

Ai pyet se sim und të mbështesësh zgjedhjet dhe jo rezultatet e tyre legjitime.

“Si i përkrahni të drejtat e barabarta, por si e kundërshtoni vendosjen e zyrtarëve të zgjedhur për shkak të përkatësisë së tyre etnike? Si e dënoni veprimin e policisë për të mbrojtur kryetarët e zgjedhur, por jo rebelët që i sulmuan? Si pretendoni se marrëveshja e normalizimit, e cila përfshin një zotim për të mos përdorur forcën ushtarake, është ligjërisht e detyrueshme, por nuk e pengon mobilizimin serb të forcave të saj të armatosura në përgjigje të një konflikti politik brenda Kosovës?”, ka shkruar tutje Serwer.

Profesori amerikan thotë se SHBA-ja pretendon se mbështet të drejtat e barbarta dhe respect për sovranitetin dhe integritetin territorial të shteteve ekzistuese në Ballkan dhe sipas tij duhet nxjerrë përfundime logjike.

- Advertisement -
Lajmet e fundit
- Advertisement -
Lajme të lidhura
- Advertisement -