10.2 C
Pristina
Sunday, February 25, 2024

Rusia: Stërvitjet e NATO-s në Kosovë janë një “provokim” ndaj Serbisë

- Advertisement -

Zëdhënësja e Ministrisë së Punëve të Jashtme ruse, Marija Zakharova, ka deklaruar se aktivitetet e NATO-s në Ballkan fillimisht kanë për qëllim prishjen e rendit ndërkombëtar, duke iu përgjigjur pyetjes për të komentuar stërvitjet e NATO-s “Defender 2023” në Kosovë.

- Advertisement -

“Këto aktivitete nuk kanë asgjë të përbashkët me vlerat e deklaruara nga NATO – me lirinë dhe demokracinë. Duke u shtirur për të forcuar në mënyrë të rreme sigurinë rajonale, SHBA-të, si dhe aleatët e saj, po minojnë qëllimisht stabilitetin në atë pjesë të Evropës, duke thelluar linjat që çojnë në ndarje dhe thjesht, gjithnjë e më shumë e shtyjnë popullatën në një gjendje nervozizmi për shkak të kërcënimeve të jashtme të imponuara”, tha ajo.

Zaharova theksoi se vendimi për ta bërë Kosovën, burimin kryesor të tensionit, vendin e zhvillimit të stërvitjeve ushtarake në fakt e vërteton të gjithë këtë.

- Advertisement -

“Nuk është vetëm një provokim antiserb, por edhe një diversion kundër bazave themelore për rregullimin e çështjes së Kosovës”, tha ajo.

Ajo tha se e kupton se sa përpjekje po bën Perëndimi për t’i detyruar miqtë serbë të ndërpresin bashkëpunimin me Rusinë.

“Pikërisht për shkak të gjithë kësaj ne e vlerësojmë edhe më shumë vendimin e Republikës Srpska për të mos hequr dorë nga bashkëpunimi me Rusinë”, tha për RT Balkan zëdhënësja e Ministrisë së Punëve të Jashtme ruse, Marija Zakharova, duke iu përgjigjur pyetjes se si ajo do të komentonte vizitën e presidentit të Republikës Srpska, Milorad Dodik, në Moskë, duke pasur parasysh presionet që Perëndimi kërkon ndërprerjen e bashkëpunimit të liderëve serbë me Rusinë.

- Advertisement -

“Ne jemi të bindur se bashkëpunimi me Rusinë i përshtatet popullit të Republika Srpska dhe i sjell dobi. Ata që duan ta mposhtin bashkëpunimin tonë nuk do të kenë sukses. Ato përpjekje nuk kanë perspektivë. Ato nuk do të pengojnë bashkëpunimin midis Rusisë dhe Serbisë dhe Republika Srpska,” tha Zaharova.

Ajo vuri në dukje se Perëndimi gjithashtu përdor mashtrime dhe kërcënime me sanksione.

“Bashkëpunimi midis Republikës Srpska dhe Rusisë po fillon të duket gjithnjë e më shumë si një partneritet strategjik,” theksoi ajo.

Presidenti i Republikës Srpska Milorad Dodik u takua dje në Moskë me Presidentin e Federatës Ruse Vladimir Putin. Në fillim të takimit, Putin i tha Dodikut se i ishte mirënjohës Srpska-s për qëndrimin e saj neutral ndaj konfliktit në Ukrainë.

Duke iu përgjigjur pyetjes se si e sheh Moska marrëveshjen mes Beogradit dhe Budapestit për ndërtimin e tubacionit të naftës, duke qenë se ai lidh në mënyrë indirekte Serbinë me Rusinë, Zakharova përshëndeti përpjekjet e Serbisë për të forcuar dhe siguruar sigurinë e saj energjetike.

“Ne respektojmë dëshirën e disa vendeve që në mënyrë të pavarur të marrin vendime lidhur me bashkëpunimin energjetik. Serbia është një vend mik që dëshiron të punojë në forcimin e sigurisë energjetike,” tha ajo.

Zakharova shtoi se konflikti në Ukrainë dëmton të gjithë Evropën çdo ditë dhe se nisma e tubacionit çon në një furnizim të sigurt të energjisë ruse.

“Ne e shohim këtë projekt të ri si një vendim të arsyeshëm nga disa vende për të ndjekur së pari interesat e tyre kombëtare dhe për t’i kushtuar vëmendje nevojave të tyre ekonomike dhe nevojave të qytetarëve të tyre. Rusia respekton të drejtën sovrane të vendeve të tjera për të zhvilluar energjinë dhe infrastrukturën transnacionale. “tha ajo.

Sipas saj, Rusia, siç e dinë të gjithë tashmë, është një eksportues i përgjegjshëm i burimeve energjetike në tregun botëror dhe është i gatshëm t’i dorëzojë ato në të gjitha vendet me çmime të drejta të tregut.

- Advertisement -
Lajmet e fundit
- Advertisement -
Lajme të lidhura
- Advertisement -