7 C
Pristina
Thursday, April 25, 2024

Raketat ukrainase godasin flotën ruse

- Advertisement -

Qielli i natës mbi Krime, u ndriçua pas një sërë suImesh që shënjestruan flotën ruse në Detin e Zi.

Moska bëri të ditur se Ukraina kishte lëshuar 10 raketa dhe 3 dronë detarë në gadishullin e aneksuar në vitin 2014-n.

- Advertisement -

SuImi shkaktoi një zjarr të madh pranë portit të Sevastopolit, ku mbetën të plagosur të paktën 24 vetë. Sipas Ministrisë së Mbrojtjes, 7 prej raketave dhe të tre dronët detarë pa pilot ishin shkatërruar, por raketa kruz kishin goditur dhe dëmtuar dy anije. Imazhe të postuara në Telegram tregojnë disa shpërthime, në atë që besohet të jetë një zonë ku riparohen anijet.

Fakti që disa prej raketave arritën të depërtonin përtej sistemeve mbrojtëse të Rusisë, duke shkaktuar edhe dëme të konsiderueshme, do të jetë një shqetësim real për Kremlinin. Rusia aneksoi ilegalisht Krimenë nga Ukraina në vitin 2014 dhe ky sulm është një tregues i betejës së vazhdueshme për kontrollin e ujërave.

- Advertisement -

Kievi ka pohuar vazhdimisht se qëllimi i tij përfundimtar është të rimarrë gadishullin. Ukraina e ka shënjestruar edhe më parë Sevastopolin dhe flotën ruse në Detin e Zi, por kjo duket të jetë vala më e bashkërenduar e sulmeve deri më tani.

Pyetje mbeten mbi armatimet që u përdorën në këtë suIm.

Sugjerimet orientojnë drejt raketave me rreze të gjatë të siguruara nga perëndimi, por nuk përjashtohen edhe raketat Neptun të prodhuara në Ukrainë.

- Advertisement -

Edhe Ukraina pati një natë të vështirë pasi dronët rusë dëmtuan portin e Izmain në lumin Danub. Gjashtë persona thuhet të jenë plagosur si pasojë e sulmit që shkaktoi një zjarr dhe dëmtoi infrastrukturën.

- Advertisement -
Lajmet e fundit
- Advertisement -
Lajme të lidhura
- Advertisement -