8.1 C
Pristina
Friday, October 7, 2022
- Advertisement -

Punëtorët e “Kosova Thëngjillit” përplasen me policinë, tentojnë të futen brenda Ministrisë së Ekonomisë

Punëtorët e kompanisë “Kosova Thëngjilli” kanë tentuar që të futen brenda objektit të Ministrisë së Ekonomisë, por janë ndaluar nga policia.

Ata kanë provuar që të hyjnë brenda duke u përplasur kështu me policinë, kryesisht verbalisht, derisa në një moment policët kanë zmbrapsur edhe fizikisht protestuesit.

- Advertisement -

Punëtorët e kësaj kompanie tash e disa orë janë duke protestuar para Ministrisë së Ekonomisë duke kërkuar takim me ministren Artane Rizvanolli.

Përfaqësuesit e punëtorëve dy herë janë ftuar për takim brenda kësaj ministrie, por në asnjërin rast nuk janë pritur nga ministrja Artane Rizvanolli.

Punëtorët e “Kosova Thëngjillit” janë shprehur të indinjuar me qasjen e zyrtarëve të ministrisë, për çka kanë kërkuar takim me vet ministren Rizvanolli.

- Advertisement -

Të njëjtit thonë se do të qëndrojnë gjatë tërë ditës në rrugë derisa të takohen me ministren Rizvanolli.

Kjo është hera e pestë që ata po protestojnë duke kërkuar rikthimin në punë pas ndërprerjes së punës nga Korporata Energjetike të Kosovës.

- Advertisement -

 

- Advertisement -
Të fundit
- Advertisement -
Lajme të lidhura
- Advertisement -