Radio Televizioni i Kosovës ka publikuar videon ku kryeterroristi i rastit të Banjskës, Milan Radojçiq, shihet duke e goditur ish kryetarin ilegal të Mitrovicës së Veriut, Aleksandar Spiriq.
- Advertisement -
Radojçiq tashmë është në listën e të kërkuarve në INTERPOL për sulmin terrorist të 24 shtatorit në Banjskë të Zveçanit, ku u vra polici i Kosovës Afrim Bunjaku.
Aleksandar Spiriq ka ushtruar detyrën e kryetarit ilegal të Mitrovicës së Veriut nga viti 2020 deri në vitin 2023.
- Advertisement -
Në pamjet e publikuara nga televizioni publik, Spiriq shihet duke ia ofruar dorën për përshëndetje Radoiçiqit, teksa ky i fundit e grushton atë.
Sipas mediumit, ngjarja ka ndodhur në hotelin “GREY” në Kopaonik, që është pronë e Millan Radoiçiqit.