8.1 C
Pristina
Friday, October 7, 2022
- Advertisement -

Pse kompanitë, madje edhe Joe Biden, po bëjnë postime në rrjete sociale me një fjalë?

Gjithçka nisi kur kompania amerikane e trenave “Amtrak” postoi gabimisht në Twitter fjalën “trenat” të enjten në mbrëmje.

Ky postim mori më shumë se 153 mijë pëlqime dhe u shpërnda 23 mijë herë deri në mesditën e ditës së nesërme, pasi përdoruesit e këtij rrjeti social e kishin spikatur këtë lëshim.

- Advertisement -

E ishin disa kompani të tjera që e panë këtë si mundësi të mirë për marketing dhe menjëherë bënë postime të ngjashme në Twitter duke e nisur kështu këtë trend viral.

- Advertisement -

Atyre iu bashkua një lider botëror, një ikonë sportive dhe madje edhe një superhero i Marvel-it, duke bërë kështu që postimet me një fjalë të marrin hov.

Presidenti amerikan, Joe Biden, postoi në Twitter fjalën “demokraci” – diçka që ai ka frikë se është nën kërcënim në ShBA për shkak të “ideologjisë ekstreme”.

Disa përdorues të Twitterit mund të jenë habitur kur legjenda e kriketit, Sachin Tendulkar, postoi thjesht emrin e sportit të tij të preferuar.

- Advertisement -

Fansat e superheronjve ndoshta janë mrekulluar kur në llogarinë e Deadpool luftëtari fiktiv i krimit postoi emrin e tij si pjesë e trendit viral.

“The Washington Post”, një nga mediat më të respektuara në ShBA, tregoi anën e saj më pak serioze, kur postoi në Twitter fjalën “lajm”.

Ekipi i rrjeteve sociale në NASA postoi fjalën “univers” për më shumë se 61 milionë ndjekësit e tyre.

E me “cicërimë” çuditi edhe presidentja kosovare, Vjosa Osmani, kur thjesht shkroi “liri”. E “liri” – e shumëkërkuar në Ukrainë – shkroi edhe homologu i saj Volodymyr Zelensky.

Dikush për marketing, dikush për qejf, e dikush për trend – kjo është e vërteta e postimeve njëfjalëshe në Twitter dhe rrjetet e tjera sociale këto ditë.

- Advertisement -
Të fundit
- Advertisement -
Lajme të lidhura
- Advertisement -