fbpx
-7.9 C
Pristina
E enjte, 9 Shkurt, 2023

Profesor Blerim Latifi: Pse ky obsesion medial me Vuçiqin?

- Advertisement -

Duhet Lexuar

Profesori Blerim Latifi thotë se në Kosovë ka një “obsesion medial” në raport me presidentin serb, Aleksandër Vuçiq.

Në një postim në Facebook, ai ka shkruar për raportimet e mediave rreth presidentit serb.

- Advertisement -

“Kam përshtypjen se as në Serbi nuk janë më shumë të informuar mbi agjendën e Vuçiqit, se ne në Kosovë. Pse ky obsesion medial, në dukje i çmendur, me Vuçiqin?”, thotë tutje ai.

Mes tjerash, profesor Latifi ka ngritur një çështje. Sipas tij, problemet e Kosovës janë “margjinalizuar” në çështjen e dialogut me Serbinë.

“Dhe kjo, në thelbin e saj, përbën simptomën kryesore të një katastrofe diplomatike, e cila krejt pa u hetuar na ka ndodhur gjatë gjithë këtyre viteve: politika jonë e jashtme është errësu nga politika e dialogut”, shkroi tutje ai.

Postimi i plotë i Latifit:

- Advertisement -

Na zë gjumi duke parë e lexuar deklaratat e Vuçiqit në ballinat e portaleve tona. Dhe kur zgjohemi në mëngjes dhe i shikojmë ato, sërish aty e gjejmë surratin e tij. Edhe gjatë ditës, sa herë duam të lexojmë lajmet e reja, i njëjti surrat na del përpara. “Vuçiqi deklaroi…”. Vuçiqi ka thirrur takimin e Këshillit të Sigurisë së Serbisë…”. “Në takimin me…Vuçiqi tha se…”. Janë të pafundëm titujt si këta.

Kam përshtypjen se as në Serbi nuk janë më shumë të informuar mbi agjendën e Vuçiqit, se ne në Kosovë.

Pse ky obsesion medial, në dukje i çmendur, me Vuçiqin?

- Advertisement -

Një hipotezë e imja : Sepse krejt problemet e shtetit të Kosovës janë margjinalizu nga çështja e dialogut me Serbinë. Dialogu është bërë alfa dhe omega e të menduarit tonë politik. Edhe fjalori politik na është reduktu në një grumbull frazash për dialogun.

Dhe kjo, në thelbin e saj, përbën simptomën kryesore të një katastrofe diplomatike, e cila krejt pa u hetuar na ka ndodhur gjatë gjithë këtyre viteve: politika jonë e jashtme është errësu nga politika e dialogut.

Nëse kërkojmë njohje të reja, na e vënë përpara dialogun me Serbinë.

Nëse kërkojmë të anëtarësohemi në organizata ndërkombëtare, përsëri na e tundin para syve dialogun me Serbinë.

Tash racistët e Bashkimit Evropian edhe liberalizimin e vizave po e trajtojnë si çështje të lidhur me dialogun, e ka shumë rrezik që edhe anëtarësimi në Këshillin e Evropës mund të bjerë viktimë e kësaj.

Prandaj, që të mos vazhdojmë të fundosemi edhe më shumë në devalvimin e pavarësisë së Kosovës, duhet të marrim një vendim : Ose marrëveshje finale brenda një kohe të afatizuar qartë, ose stop këtij formati të dialogut të pakufizuar në kohë.

- Advertisement -

Të fundit

Grabiten kamionin me ndihma që Fenerbahçe dërgoi për të prekurit nga tërmeti, arrestohen nga Policia turke

Pas fatkeqësisë së tërmetit, një grup personash kanë grabitur kamionin me ndihma që Fenerbahçe dërgoi për të prekurit nga...
- Advertisement -

Më shumë

- Advertisement -