fbpx
-3.6 C
Pristina
E mërkurë, 8 Shkurt, 2023

Policia jep detaje për dy të dyshuarit në Leposaviq: Njëri i përfshirë në 80 vepra penaIe, tjetri në 17

- Advertisement -

Duhet Lexuar

Lidhur me rastin e ndodhur sot në Bistricë të Leposaviqit, Policia e Kosovës ka dalë me informacione të reja.

Sipas Policisë, personat e dyshuar të përfshirë në këtë rast sipas të dhënave rezultojnë të jenë persona me të kaluar kriminaIe dhe të përfshirë në dhjetëra veprave penaIe dhe kundërvajtje.

- Advertisement -

“I dyshuari mashkull kosovar me iniciale (D.S. 1991), dyshohet të jetë i përfshirë në mbi 80 vepra penaIe, nga to i dyshuar edhe për vepra penale si; vrasje, detyrim, armëmbajtje pa leje, sulm, pengim i personit zyrtar gjatë kryerjes së detyrës zyrtare, kanosje, vjedhje e rëndë, shkaktim i rrezikut të përgjithshëm, grabitje etj., etj. I njëjti ka kryer edhe mbi (20) kundërvajtje”, thuhet në këtë njoftim.

Ndërsa, i dyshuari tjetër, sqaron Policia e Kosovës, dyshohet të jetë i përfshirë në 17 vepra penale.

“ I dyshuari mashkull kosovar me iniciale (M.D. 1985), dyshohet të jetë i përfshirë në 17 vepra penale, nga to i dyshuar edhe për vepra penale si; vrasje, shtrëngim, armëmbajtje pa leje, vjedhje e rëndë, lëndim i rëndë trupor, kalim i paautorizuar i kufirit, manipulim me prova. I njëjti ka kryer edhe (3) kundërvajtje. Policia e Kosovës mbetet e përkushtuar në realizimin e detyrave dhe autorizimeve ligjore në interes të ruajtjes së rendit dhe sigurisë publike, ofrimit të sigurisë ndaj qytetarëve pa dallim, si dhe parandalimit të veprimtarive të ndryshme kriminale”, thuhet në fund.

- Advertisement -

Të fundit

Lufta në Ukrainë, eleminohet mercenari famëkeq rus

Igor Mangusev, një nga mercenarët rusë më brutalë në frontin ukrainas, vdiq në një spital ku po trajtohej pasi...
- Advertisement -

Më shumë

- Advertisement -