5 C
Pristina
Sunday, April 21, 2024

PërpIasje e re Kroaci-Serbi: Radman e quan Vuçiqin “trabant të Rusisë”, Daçiqi dërgon notë proteste dhe shpërthen në gjuhë

- Advertisement -

Ministri i Punëve të Jashtme i Serbisë, Ivica Daçiq, ka dërguar notë proteste në Ministrinë e Punëve të Jashtme të Kroacisë, ku ka “dënuar fuqishëm” një deklaratë të kryediplomatit kroat, Gordan Grliq Radman rreth “dy-anësisë” së Presidentit të Serbisë, Aleksandar Vuçiq, në “qëndrimin në dy karrige” mes Perëndimit dhe Rusisë.

- Advertisement -

Vuçiqi “duhet të vendos në cilën karrigë të ulet”, ka thënë Radman, teksa ka shtuar se “Vuçiqi mund të jetë Trabant dhe satelit i Rusisë, por ndikimi i Rusisë në Ballkanin Perëndimor nuk do të lejohet”.

Daçiq ka shpërthyer ndaj Radmanit duke e quajtur “urrejtës të saerbëve dhe Serbisë” duke i drejtuar Radmanit se “askush nuk ka të drejtë, e aq më pak Kroacia, që t’i jep mësime Serbisë”.

- Advertisement -

“Serbia është një vend që udhëheq një politikë të jashtme sovrane dhe të pavarur, e cila është ekskluzivisht në interes të qytetarëve tanë dhe popullit tonë. Serbia dhe Vuçiqi nuk janë trabantë të askujt. Ministri kroat nuk ka marrë mësimet e historisë, kështu që ai harron, ose do të doja të harrohet, se Kroacia ishte mbështetësi më besnik i Austro-Hungarisë dhe Gjermanisë naziste, me shtetin e pavarur të Kroacisë, i cili luftoi edhe pas vetëvrasjes së Hitlerit, deri më 15 maj, gjashtë ditë pas kapitullimit të Gjermanisë”, tha Daçiq, siç e citoi “Danas”.

“Ishin si trabantë, nazistë më të mëdhenj se nazistët. Ne jemi shërbëtorë vetëm të Serbisë dhe qytetarëve tanë”, ka thënë Ivica Daçiq.

- Advertisement -
Lajmet e fundit
- Advertisement -
Lajme të lidhura
- Advertisement -