7.9 C
Pristina
25 Janar, 2021 - 15:13

Njofton Hoti: Askush nuk e ka pushim për 28 nëntor

Kryeministri i Kosovës, Avdullah Hoti ka bërë të ditur se dita e hënë, 30 nëntor 2020, nuk do të jetë pushim, por do teë jetë ditë e rregullt e punës.

Këtë njoftim Hoti e bëri përmes një postimi në Facebook, ku tha se ky vendim vjen si solidarizim me të gjithë ata të cilët janë në linjën e parë të frontit me pandeminë.

“Në të gjitha institucionet shtetërore, në institucionet arsimore në të gjitha nivelet, do të punohet me orar të rregullt, në përputhje me masat anti Covid të ndërmarra nga Qeveria.

Ky vendim vjen si solidarizim me të gjithë ata të cilët janë në linjën e parë të frontit me pandeminë Covid- 19, punëtorët shëndetësor, stafin mbështetës në institucionet shëndetësore, polici dhe inspektorat, të cilët janë duke punuar për disa muaj me radhë pa asnjë ditë pushimi.

Për shkak të masave në kuadër të menaxhimit të situatës me pandeminë Covid-19, institucionet janë duke punuar me staf të përgjysmuar. Ndërsa të gjitha aktivitetet për shënimin e 28 nëntorit, Ditës së Flamurit, do të zhvillohen nesër, poashtu në përputhje me masat e vendosura nga Qeveria”, ka shkruar Hoti në Facebook.

Zakonisht, festa e 28 nëntorit ka qenë ditë pushimi nëpër shkolla dhe institucioneve publike . /Express/

Të fundit

Të tjera nga rubrika

error: Përmbajtja mbrohet !!