Njësitë e ndërhyrjes së shpejtë të ushtrisë ukrainase, godasin rëndë me drona ushtarët rusë – shumë prej tyre e pësojnë me jetë

Njësitë speciale për ndërhyrje të shpejtë të ushtrisë ukrainase, kanë realizuar një operacion në lindje të vendit – duke arritur të ekzekutojnë pjesëtarë të ushtrisë ruse.

Ata kanë publikuar pamjet kur sulmojnë me drona ushtarët rusë të cilët po fshihen nëpër shkurre në një zonë të gjelbëruar, transmeton Telegrafi.

-Advertisement-

Derisa po tentonin të fshiheshin, mbi kokë u binin predhat që shpërthenin. Në anën tjetër, ushtria ruse ka filluar të tërhiqet nga disa rajone si pasojë e kundërofensivës ukrainase.

E Moska vazhdimisht po bën të ditur se po kryen sulme ajrore mbi infrastrukturën energjetike të Ukrainës, duke i lënë dhjetëra qytete pa energji dhe ngrohje.

Nëse vazhdon një operacion i tillë nga Moska, ukrainasit do ta kenë të vështirë të kalojnë dimrin e ftohtë në mungesë të ngrohjes dhe energjisë elektrike.

Megjithatë vendet e BE-së janë zotuar se do ta ndihmojnë ta tejkalojë edhe këtë sfidë.

Nga Kievi kanë bërë i kanë bërë thirrje qytetarëve në mbarë botën, që nëse kanë gjeneratorë dhe ngrohëse që nuk i përdorin, t’i dhurojnë në ambasadën ukrainase në vendet e tyre.