24.7 C
Pristina
Monday, June 27, 2022

Nga muaji i ardhshëm, 8, 9 e 10-vjeçarët mund të marrin shtesa për fëmijë

Ministri i Financave Punës dhe Transfereve, Hekuran Murati, ka njoftuar se me miratimin e rishikimit të buxheti, nga muaji i ardhshëm bëhet i mundshme që gjeneratat e lindura në vitet 2014, 2013 dhe 2012, të aplikojnë për marrje shtesa të fëmijëve.

Aktualisht, shtesa marrin fëmijët e lindur nga 1 janari 2015 e këtej.

Ministri tha se janë rrugës për të përmbushur në tërësi premtimin se do të ketë shtesa për të gjithë fëmijët deri në moshën 16 vjeçare.

Pas këtij lajmi, ai i ka cilësuar “demagogë” deputetet e opozitës për shkak të Projektligjit për Tërheqjen e Trustit.

Murati po ashtu ka thënë se i kanë ndihmuar qytetarët përmes Pakos për Ringjalljen Ekonomike.

Po ashtu ka shtuar se sipas Agjencisë së Statistikave të Kosovës (ASK), rritja ekonomike për tre muajt e parë të këtij viti është gati 5 për qind.

Të fundit
Lajme të lidhura