-0.9 C
Pristina
Monday, December 4, 2023

Nexhmedin Spahiu për gjendjen në veri: Të përgatitemi për më të keqën

- Advertisement -

Analisti dhe publicisti, Nexhmedin Spahiu, për përshkallëzimin e situatës së sotme në veri thotë se kjo mund të jetë kurth për Serbinë.

- Advertisement -

Spahiu, tha se shumë lehtë Serbia mund ta sulmojë Kosovën.
“Kjo mund të jetë edhe kurth për Serbinë. Kosova duhet të jetë e gatshme të ballafaqohet me sfida të cilat e presin. Fare lehtë mund të ndodhë që shteti serb të sulmojë Kosovën”, tha profesori në edicionin special në Tëvë1.

Sipas analistit, skenari më i keq është ai i luftës.

- Advertisement -

“Njëherë NATO-ja bën me sy, ia bëjnë me sy amerikanët i thonë futu se s’po nga dëgjojnë këta, dhe pastaj dikur kur futen, nëse ne rezistojmë, nëse ne luftojmë atëherë sigurisht që do ta kemi përkrahjen e botës demokratike. Ndoshta më vonë kur futen në kurth, mundet që NATO ta sulmojë Serbinë, por ky është skenari më i keq, skenari i luftës i cili edhe mund të ndodhë-nuk mund të përjashtohet këtë mundësi. Por, ne jemi këtu, dhe Kosova është vendi jonë dhe ne duhet ta mbrojmë me jetët tona, të përgatitemi për më të keqën, e duhet të punojmë për më të mirën”, shtoi ai.

Ndërsa, veprimet e sotme nga ana e Policisë së Kosovës në veri të vendit, Spahiu, i ka quajtur historike.

“Ky është sukses i Kosovës, përderisa barrikadat e fundit janë hequr me negociata në mes të amerikanëve dhe Beogradit. Tash, shteti i Kosovës po tregohet i zoti që t’i heqë ato vetë, dhe ky është suksesi, kjo është një ditë historike për Kosovën. Kosova në një mënyrë po e rrumbullakon prezencën e vetë me gjithë territorin e vetë të Kosovës”, shtoi ai.

- Advertisement -
Lajmet e fundit
- Advertisement -
Lajme të lidhura
- Advertisement -