fbpx
3.3 C
Pristina
E shtunë, 4 Shkurt, 2023

Ndërroi jetë ushtari i UÇK-së, Prof. Dr. Sabahajdin Cena

- Advertisement -

Duhet Lexuar

Fiks dy muaj para se ta festonte 70 vjetorin e lindjes, ka ndërruar jetë ushtari i lirisë, Prof. Dr. Sabahajdin Cena.

Lajmin e ka dhënë kryetari i Rahovecit, Smajl Latifi duke thënë se emri i tij do të gdhendet me shkronja ari, ndërsa kronikat e tij për UÇK-në do të vazhdojnë të bëjnë jehonë në histori.

- Advertisement -

Postimi i kryetarit Latifi:

Iku në amshim Profesor Sabahajdin Cena.

Kur bien lisat e mëdhenj trandet edhe mali e fusha. Njeriun që nuk u ndal për asnjë moment duke punuar, luftuar e shkruar, e paska rrëzuar sëmundja e rëndë. Ai “i lau e i kjau” dëshmorët e Atdheut, këndoi e shkroi për bëmat e lavdinë dhe i gdhendi emrat e tyre në gurë; maleve, fushave e skaj rrugëve të atdheut. I bëri jehonë luftës së lavdishme të popullit shqiptar me emblemën e UÇK-së në krye.

Prof. Dr. Sabahajdin Cena u bë një me luftën çlirimtare duke u bërë kronisti i kësaj historie të lavdishme në trojet shqiptare e më gjerë. Emri i tij do të gdhendet me shronja ari, ndërsa kronikat e tij për UÇK-në do të vazhdojnë të bëjnë jehonë në histori.

- Advertisement -

Lavdi e nderim për njeriun e pushkës e të penës, profesor Dr. Sabahajdin Cena!

Ngushëllime familjes së ngushtë, farefisit, bashkëluftëtarëve dhe të gjithë atyre që ndjejnë dhembje për humbjen e Prof. Dr. Sabahajdin Cena!

- Advertisement -

Të fundit

Moti, po vijnë disa ditë të acarta

Ditën e shtunë po parashihet të mbajë mot kryesisht me vranësira, me të reshura shiu e bore. Nga...
- Advertisement -

Më shumë

- Advertisement -