fbpx
9.8 C
Pristina
E enjte, 8 Dhjetor, 2022
- Advertisement -

Mungesa e punëtorëve, bizneset në Kosovë po marrin punëtorë edhe nga India

Drejtor i Klubit të Prodhuesëve të Kosovës, Berat Mustafa u shpreh se për shkak të mungesës së punëtorëve, Kosova po merr punëtorë nga Turqia dhe nga India.

- Advertisement -

Ai tha se këta punëtorë janë të specializuar dhe kryjnë shumë punë.

“Ka që i kanë marrë nga Turqia, ka edhe shumë kërkesa nga India. Për shkak se ka shumë fuqi punëtore por edhe janë shumë të trajnum, të specializum dhe kryjnë shumë punë”, u shprej Mustafa.

Ai tha se nuk kishte me thënë se në Kosovë ka mungesa të punëtorëve në Kosovë, por sipas tij nuk ka punëtorë të kualifikuar, duke theksuar se kompanive të mëdha iu kushton trajnimi i tyre.

- Advertisement -

Xhevat Muqa, ndërmarrësi që u kthye nga Zvicra në Kosovë foli për tregun e punës dhe mungesën e fuqisë punëtore në vend. Ai sonte në “StartUp” në RTV21 u shpreh se e gjithë kjo është për shkak të mos liberalizimit të vizave.

“Po të kishte qenë liberalizimi i vizave para një dekade kjo nuk kishte me ndodhë sot, sepse të rinjtë e Kosovës kishin pasë mundësi me shiju Evropën dhe me pa se çka është e vërteta. Gjithë qytetarët e Kosovës janë me një hamendje t’u jetu në Kosovë”, tha ai.

Ai tha se menjëherë pas luftës në Ksoovë është kthyer në Kosovë, ku edhe ka hapur biznes.

- Advertisement -

Mustafa: Më parë iknin të papunët, tani edhe ata që kanë një pagë mesatare

Drejtor i Klubit të Prodhuesëve të Kosovës, Berat Mustafa tha se çdo prodhues ka mungesë të fuqisë punëtore, duke theksuar se tani po ikin edhe punëtorët që kanë një vend pune e një pagë mesatare.

Ai sonte në StartUp në RTV21 u shpreh se prodhuesit kanë një trend të rritjes së prodhimit dhe eksportit, por tani mungesa e fuqisë punëtore po vërehet në mënyrë drastike.

“Çdo prodhues ka mungesë të fuqisë punëtore. Po çka është edhe një shqetësuese ëështë se para disa viteve ne e kemi pasë problem që kanë ikë një pjesë të njerëzve që kanë qenë të papunësuar, por tani kemi ikje të njerëzve të cilët kanë një vend pune dhe kanë një pagë po mendoj që është solide dhe e konsiderueshme”, u shpreh Mustafa.

Ekonomisti, Median Hashani u shpreh se ikja nga Kosova për një pagë më të mirë nuk është zgjidhje.

Hashani sont në “StartUp” në RTV21 u shpreh se paga 2000 euro në Gjermani, në fund të muajit nuk ju mbetë më shumë se 500 euro dhe në Gjermani nuk mundesh me jetu me 500 euro.

- Advertisement -
Të fundit
- Advertisement -
Lajme të lidhura
- Advertisement -