9.8 C
Pristina
Thursday, April 25, 2024

Moderatori e ‘provokon’ me pyetje për Kosovën, Vuçiq përgjigjet me cinizëm

- Advertisement -

Gjatë paraqitjes në Radio Televizionin e Serbisë, presidenti serb, Aleksandar Vuçiq në disa raste (me iniciativën e tij) është fjalosur me moderatorin.

- Advertisement -

Tema kryesore ishte Kosova, teoritë e konspiracionit për zvarranikët apo ekonomia, i pari i shtetit serb vazhdimisht u përpoq të shmangte nënpyetjet dhe nuk e lejonte moderatorin të drejtonte emisionin televiziv.

Ai aty ishte folësi kryesor, siç ndodh zakonisht, kur është i ftuar në televizione me frekuenca kombëtare.

- Advertisement -

Mirëpo, nuk është se nuk ka pasur situata gjatë të cilave moderatori ka tentuar ta rikthejë presidentin në binarë të një bisede serioze me vartësit e tij, gjë që padyshim nuk i ka pëlqyer njeriut të parë të shtetit.

Në një moment, i zemëruar për shkak të pyetjes së moderatorit, Vuçiq vendosi t’i përgjigjet shkurtimisht çdo pyetjeje të radhës, duke përdorur një ose dy fjalë.

Kështu ishte kur flitej për zgjedhjet e mundshme lokale në veri të Kosovës, ku ai u përgjigj shkurt ‘asgjë, nuk di’.

- Advertisement -

Moderatori: Çfarë do të thotë se Prishtina do të mbajë zgjedhje? Në këtë situatë ku çështja e negociatave dhe gjithçka është e hapur… Dhe përpjekja për të arritur një marrëveshje dhe njëfarë stabiliteti?

Vuçiq: Asgjë, nuk e di.

Moderatori: Si duken ato bisedime në Bruksel?

Vuçiq: Kënaqësi e vërtetë. Çfarë ju intereson për këtë?

Moderatori: Ndoshta më pak cinizëm.

Vuçiq: Nuk ka pasur fare cinizëm. Unë ju them se çfarë. Asgjë e bukur.

- Advertisement -
Lajmet e fundit
- Advertisement -
Lajme të lidhura
- Advertisement -