23.2 C
Pristina
Wednesday, June 29, 2022

Misteri i një avioni nisur nga Moska: Pse u ndal dhe në Beograd?

Itinerari dhe misioni i dyshimtë i një Boeing-u me iranianë kapur në Argjentinë

The Sun publikoi detaje të historisë së një avioni misterioz që u nis nga Rusia e u ndal në Venezuelën, disa javë para se të kapej në Argjentinë. Avionik bëri dhe një ndalesë në Beograd.

Fjala është për një Boeing 747 që u ndalua këtë javë në Buenos Aires, ku autoritetet argjentinase e kontrolluan nën dyshimin për aktivitete inteligjente, duke arrestuar 19 anëtarë të ekuipazhit, shkruan The Sun.

Midis ekuipazhit ishin pesë iranianë të dyshuar për lidhje me forcat Quds, një krah sekret i Gardës Revolucionare Islamike, i ngarkuar për operacione sekrete të jashtme.

Disidentët iranianë kanë paralajmëruar se ndalimi i avionit është provë se regjimi po përhap terrorizëm të sponsorizuar nga shteti në kontinentin amerikan, pikërisht në oborrin e shtëpisë së Shteteve të Bashkuara.

Anëtarët e grupit IRGC, Forca Quds, dyshohet se ishin në aeroplan.

Irani gjithashtu besohet se furnizon me armë vende si Venezuela, por të tilla nuk u gjetën në Boeing-un 747.

- Advertisement -

Të dhënat e fluturimit tregojnë se avioni është nisur nga Moska, duke patur ndalesa në Teheran dhe së fundi në Karakas, kryeqytet i Venezuelës, disa javë para se të kapej nga Argjentina.

Duket se Boeing-u 747 ka vizituar tre herë kryeqytetin e Venezuelës para ndalimit, duke patur ndalesa dhe në Beograd e Meksikë, shkruan The Sun.

Uashingtoni po e ndjek nga afër rastin dhe Izraeli ka lavdëruar Argjentinën për identifikimin e një “kërcënimi të mundshëm”, duke paralajmëruar se linjat ajrore iraniane mund të përfshihen në transferimin e armëve, njerëzve dhe pajisjeve te IRGC.

Të fundit
Lajme të lidhura