11 C
Pristina
Wednesday, October 5, 2022
- Advertisement -

Mësuesit duhet ta kenë pagën 1000 euro, ato sigurohen duke i larguar prodhuesit e analfabetëve

Nga Viktor Buzhala

- Advertisement -

Paga 500 euro për mësuesit nuk mjafton. Sot, shporta familjare ka ecur shumë tutje, për shkak të inflacionit dhe shërbimeve tjera, që sot janë të domosdoshme, e dikur nuk ishin.

Mësuesit, nuk duhet ta kenë mendjen tek mbijetesa kur janë duke dhënë mësim. Padyshim që Kosova e ka komoditetin ta bëjë këtë. Me rritjen e pagave në këtë nivel, mësimdhënia bëhet atraktive për shumë profesionistë të zotët, pra rritet konkurrenca. Kjo bën që në mënyrë të vetvetishme të rritet kualiteti i mësimdhënies. Padyshim, janë së paku gjysma e mësuesve që nuk e kanë vendin aty. Pra, që ata ti marrin 500 euro është tepër, pasi prodhojnë analfabetë dhe bëjnë dëmë të mëdha.

Buxheti nuk është aspak e vështirë të sigurohet, përmes një reformimi kualitativ. Duhet të vihen kritere për funksionimin e një shkolle. Pragu të jetë që secila shkollë të ketë minimum 100 nxënës. Nuk mund të marrë edukim kualitativ një nxënës që është në klasë me motrën 2 vjet më të vjetër, e vëllanë 3 vjet më të ri. Që të gjithë në një klasë, e cila është e vetmja në shkollën e tyre pasi nuk ka nxënës tjerë. Ajo është shumë e rëndë. Nuk mund të rriten nxënësit pa patur asnjë shok ose shoqe, pa e ditur cka dijnë ata dhe të ballafaqohen me konkurrencën e dijes. Atyre duhet tu organizohet transporti në një shkollë normale.

- Advertisement -

Të njëjtën kohë nuk mund të funksionojnë shkollat me tri ndërrime. Kjo është budallaki. Kosova është vend i vogël dhe nuk bëhet nami nëse nxënësit udhëtojnë me transport të organizuar 10 ose 20 km në ditë. Fundja, nxënësit e shkollave private e bëjnë dhe paguajnë para të majme.

Arsimimi duhet ti përshtet dijes dhe edukimit e jo komoditetit e dembelisë.

Përmes kësaj reforme aspak të vështirë, mësuesit, pra ata që e mësojnë vertëtë këtë popull dhe nxjerrin kuadro me renome ndërkombëtare, duhet të trajtohen dinjitetshëm. Të tjerët, që prodhojnë analfabetë nuk duhet të jenë aty.

- Advertisement -

Arsimimi nuk duhet të politizohet. As grevat jo. Ato bëhen për të përmirësuar kushtet e punetorëve, e jo për t’i dërguar ujë në mulli ndonjë partie politike.

- Advertisement -
Të fundit
- Advertisement -
Lajme të lidhura
- Advertisement -